Mateo 13:13 - Qullan Arunaka DC

¹³ Ukat jumanakarux uñtasïwinak tuqi yatichapxsma; jupanakasti uñjkasinsa janiw uñjapkaniti, ist'kasinsa janiw amuyapkaniti.

Aymar Bibliia 1986

¹³ Ucatwa nayajj jumanacarojj uñtasitanac toke yatichapjjsma, jupanacasti uñjcasinsa janis uñjapcaspa uqhamaw tucupjje, ist'casinsa janis ist'apcaspa uqhamaraquiw tucupjje.

Qullan Arunaca

¹³ Ucatwa nayajj jumanacarojj uñtasitanac toke yatichapjjsma, jupanacasti uñjcasinsa janis uñjapcaspa uqhamaw tucupjje, ist'casinsa janis ist'apcaspa uqhamaraquiw tucupjje.

Mateo 13:13 Jak'a apnaqawi uñst'ayäwi

Isaías 44:18

Uka jaqinakax janiw kuns yatipkiti, nayranakapas juykhuwa, janirakiw kuns uñjapkiti, amuyunakapas q'ala ch'amakt'atawa, janiw kuns amuyt'apkiti.

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Ezequiel 12:2

“Ezequiel, jumax saykatasir marka taypin jaktaxa. Jupanakax nayranïsipkiwa, ukampis janiw uñjapkiti, jinchunïsipkiwa, ukampis janiw ist'apkiti, saykatasir markätap layku.

Ezequiel 20:49

49 (5) Nayasti ukxarux saraktwa: “Tatay, jaqinakax sapxiwa nayax jan amuyt'kaña arunakak parlaskataxa” sasa.

Mateo 13:16

“Ukampis jumanakax kusisiñanïpxtawa, nayranakamax uñjiwa, jinchunakamasti ist'iwa.

Romanos 11:8

Kamisatix Qillqatax siski: “Diosax ajayu tuqin qala chuyman tukuyi, jichhakamas ukhamakïsipkiwa; nayranakapsa jan uñjkiri, jinchunakapsa jan ist'kir tukuyaraki” sasa.