Mateo 13:12 - Qullan Arunaka DC

¹² Khitinakatix utjirinïki ukanakarux juk'ampiw churasini, ukatsti juk'amp waljaw utjarapini; ukampis khitinakantix jan kunapas utjkani ukanakatxa, mä juk'a utjiripas apaqatäniwa.

Aymar Bibliia 1986

¹² Qhitinacatejj utjirinïqui ucarojj juc'ampiw churasini, uqhamatwa jupanjj walja utjani. Ucampis qhitinacantejj jan cunapas utjqui ucanacatjja apakatäniwa mä juc'a utjiripasa.

Qullan Arunaca

¹² Qhitinacatejj utjirinïqui ucarojj juc'ampiw churasini, uqhamatwa jupanjj walja utjani. Ucampis qhitinacantejj jan cunapas utjqui ucanacatjja apakatäniwa mä juc'a utjiripasa.

Mateo 13:12 Jak'a apnaqawi uñst'ayäwi

Mateo 21:43

Ukatpï sapxsmaxa, jumanakatxa Diosan qhapaq markapax apaqatäniwa, ukatsti taqi kunan jupar ist'ir markaruw churasini.

Mateo 25:29

Khititix utjirinïki ukarux juk'ampiw churasini, jupansti jilarkiriw utjani; ukampis khitintix jan utjki ukatxa, mä juk'a utjiripas apaqatäniwa.

Marcos 12:9

Ukat Jesusax jiskt'arakïna: “Yapun jaqisti ¿kamachpachänisa? Jutasinxa uka yapuchirinakarux q'al jiwarayani, yapupsti yaqhanakaruw katuyxani” sasa.

Lucas 10:42

ukampis mayaw wakiskirixa. Mariax kunatix wakiskirïki uk ajllisi, janirakiw khitis uk apaqkaniti —sasa.

Lucas 12:48

Ukampis jan yatir uywatatix jan walinak lurchi ukaxa, juk'a mutuyäwik katuqani. Khitirutix walja churatäki ukarux waljarakiw mayitäni; khitirutix walja katuyatäki ukarusti, juk'ampirakiw mayitäni.

Lucas 16:2

Uywiripasti jupar jawsasin säna: ‘¿Kunjämas jumat parlapkitu ukaxa? Apnaqatamat jakthapit katuyxita, janiw juk'amp yänakax apnaqirïkxätati’ sasa.

Lucas 16:25

Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Lucas 8:18

“Ukhamasti, sum ist'apxam, khitintix utjki juparux juk'ampiw churasini; ukampis khitintix jan utjki jupatxa, kunatix utjañapäki ukamppach apaqasini”.

Lucas 9:26

Ukampis maynitix nayata, arunakaxatsa p'inqaskani ukaxa, Jaqin Yuqapax jupat p'inqasirakiniwa kunapachatix jupax qhapaq kankañampi, Awkipan jach'a kankañapampi, qullan angelanakamp jutkani ukkhaxa.

Santiago 4:6

Ukampis Diosax khuyapayasiñapampiw yanapistu, Qillqatasti siwa: “Diosax jach'a jach'a tukur jaqinakarux janiw munkiti, ukampis llamp'u chuymaninakarux khuyapt'ayiwa” sasa.

Apocalipsis 2:5

Amuythapisim, nayra pachan kunjämäyätas ukat amtasim, ukatsti Tatitur kutikipstam. Jan wali luräwinak apanukum, kunjämtix qalltan sarnaqkäyätas ukham sarnaqam. Janitix ukham lurkätaxa, nayax jumar mutuyiriw jutä, ukatsti candeleromxa uchañapat apaqarakï.