Mateo 13:11 - Qullan Arunaka DC

¹¹ Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.

Aymar Bibliia 1986

¹¹ Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Qullan Arunaca

¹¹ Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Mateo 13:11 Jak'a apnaqawi uñst'ayäwi

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Isaías 29:10

Tatituw jumanakxarux mä jach'a iki apayani. Jumanak profetanakax markan nayranakapäpkasmas ukhamäpxañamänwa, ukampis janiw kuns uñjapktati.

Isaías 29:11

Kuna unañchäwinaktix Tatitut katuqapkta ukanakxa, janiw amuyt'irjamäpktati; mä jist'thapit qillqatan kunatix qillqatäki uksa ullarañ munapkasma ukhamawa. Maynitix ullañ yatirir churaspaxa, ukatsti sarakispa: “Aka qillqat ullart'am” sasa, jupasti sarakiniwa: “Janiw ullart'kiristti, uka qillqatax jist'antatawa” sasa.

Isaías 35:8

Ukansti mä thakhiw utjani, ukasti “Qullana Thakhi” satäniwa; khitinakatix jan q'umachatäpki, pisi amuyunïpkaraki ukanakax janiw uka thakhinjam sarnaqapkaniti.

Mateo 13:10

Jesusan yatiqirinakapasti jupar jak'achasisin jiskt'apxäna: —¿Kunatarak uñtasïwinak tuqi jaqinakar yatichtasti? —sasa.

Mateo 16:17

Jesusasti juparux sarakïnwa: —Simón, Jonasan yuqapa, kusisiñanïtawa, uksti janiw khitis jumarux yatiyktamti, jan ukasti, alaxpachankir Awkixaw yatiytamxa.

Mateo 19:11

Jesusasti sarakïnwa: —Janiw taqinis uk amuyapkiti, jan ukasti khitinakarutix Diosax amuyt'a churki ukanakakiw amuyapxi.

Mateo 20:23

Jesusasti jupanakarux sarakïnwa: —Chiqpachansa jumanakax umt'apxätawa, ukampis kupïxaxaru, jan ukax, ch'iqäxaxar qunt'añxa, janiw nayan churañax wakt'kituti, jan ukasti, khitinakatakitix Awkixax wakiyki ukanakarukiw churasini —sasa.

Marcos 10:40

Ukampis nayan kupïxaxaru ch'iqäxaxaru qunt'ayañax janiw nayan churañaxax wakiskiti, jan ukasti, ukax khitinakatakitix wakichatäki ukanakaruw churasini —sasa.

Marcos 4:11

Jesusasti jupanakarux sänwa: “Jumanakarupï qhanpach yatiyataxa jan amuyt'kaya Diosan qhapaq markapatxa; ukampis mayninakarux taqi kunas uñtasïwinak tuqikiw yatiyasi,

Lucas 8:10

Jesusasti jupanakar sarakïnwa: “Jumanakarux Diosaw yatiyapxtam kunanakatix qhapaq markapan imantatäki ukanaka; ukampis mayninakarux uñtasïwinak tuqiw parlta, uñjkasinsa jan uñjir tukupxañapataki, ist'kasinsa jan amuyt'apxañapataki” sasa.

Juan 6:65

Ukat sarakïna: —Ukatpï sapxsmaxa, janiw khitis nayar jutkaspati, janitix Awkixax jupanak katuykitaspa ukaxa —sasa.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Hechos 16:14

Uka warminakat maynïrix Lidia satänwa; Tiatira markankiri, jila alani sami morado isinak aljirïnwa, jupax Diosar axsartir warmïnwa. Tatituw juparux chuymap ch'allxtayäna, kuntix Pablox siskäna ukar jaysañapataki.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 16:25

Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,

1 Corintios 13:2

Jutir urut yatiyañatix utjitaspa, Diosan imantat amtäwiptix amuyt'irista, taqi kun yatirista, qullunak unxtayañatakis iyawsañanïrista, ukat janitix munasiñax utjkitaspaxa, janiw nayax kunäkiristsa.

1 Corintios 15:51

Ukampis Diosan imantat amtäwip yatipxañam munta: Janiw taqpachan jiwkañäniti, ukampis taqiniw

1 Corintios 2:14

Khititix jan Dios chuymäki ukax, janiw Diosan Ajayupankki uka yänak katuqkiti, jupatakix luqhi kankañäkaspas ukhamawa. Janirakiw amuyt'kisa, taqi ukanakax ajay tuqin taripatäñap wakisitap layku.

1 Corintios 2:7

Jan ukasti, Diosan imantat yatiñ kankañapat parlapxta, jupan imantat amtäwinak wiñaypachat jiwasan kusisiñasatak utjaykän ukat parlapxta.

1 Corintios 4:1

Jumanakasti nanakarux Criston yanapiripjamak uñjapxañama, Diosan jan amuyt'kay amtäwinakap yatichañataki.

1 Corintios 4:7

Ukampis, ¿khitirak jumarusti mayninakat sipan juk'ampi sum churtamsti? ¿Kunatix utjktam uksti, janit Diosasti churktamsti? Jupatix churstam ukasti, ¿kunatarak jach'a jach'a tukta jumas jikxataskasma ukhamsti?

Efesios 1:18

Jumanakan amuyunakam qhanjtayañapatakiw Diosarux mayirakta, kuna suyt'äwirutix jawskistu uk yatipxañamataki, kunja muspharkaña, jilarkir waxt'äwtix Diosax qullan markapankirinakar churki uk yatipxañamatakiraki,

Efesios 1:9

ukatsti jan amuyt'kañ amtäwipat uñt'ayistu. Jupax khuyapayasiñapan amtatayna, Cristo tuqi uka amtäwip lurañataki.

Efesios 5:32

Akax wali jach'a jan amuyt'kañawa. Nayasti Cristompita, iglesiampit ukham arsta.

Efesios 6:19

Nayatakis Diosat mayipxarakim, kuna arsuñaxatix wakiski uk Diosax nayar churañapataki, ukhamat Diosan imantat amtäwip ch'amampi parlañaxataki, ukasti Diosan suma yatiyäwi arunakapawa.

Colosenses 2:2

Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,

1 Timoteo 3:16

Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

1 Timoteo 3:9

Jan ukasti, Diosax churkistu uka suma yatiyäwir iyawsapxañapawa, chuymapas q'umäñaparakiwa.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

1 Juan 2:20

Cristo Tatitux Qullan Ajayu churasaw jumanakarux yaqhachapxtam, uksti taqi jumanakaw yatipxta.

1 Juan 2:27

Ukampis jumanakan Qullan Ajayuw utjapxtam, Jesucristox ukampiw jumanakar luqtapxtam, janiw jumanakar khitin yatichañapas munaskxiti, kawkïr Ajaytix jupax churapktam ukaw jumanakarux taqi kun yatichapxtam, yatichäwinakapasti chiqapawa, janiw k'arïkiti. Ukhamay Tatit Jesucristompix mayak jakapxam, kunjämtix Qullan Ajayux yatichapktam ukhamarjama.