Mateo 12:4 - Qullan Arunaka DC

⁴ Diosan utapar mantasinxa, Diosar luqtat t'ant'anak manq'antapxäna, uka t'ant'a manq'añax janiw juparusa, masinakaparus wakt'känti, jan ukasti sacerdotenakakiw manq'añapäna.

Aymar Bibliia 1986

⁴ Diosan utapar mantasinjja, kollanäquis uca t'ant'anacwa mank'antäna, ucasti janiw juparojj wact'cänti ni amigonacaparus uca mank'añapajja, jan ucasti sacerdotenacaquiw mank'añapäna.

Qullan Arunaca

⁴ Diosan utapar mantasinjja, kollanäquis uca t'ant'anacwa mank'antäna, ucasti janiw juparojj wact'cänti ni amigonacaparus uca mank'añapajja, jan ucasti sacerdotenacaquiw mank'añapäna.

Mateo 12:4 Jak'a apnaqawi uñst'ayäwi

Éxodo 25:30

Uka mesa patxarusti, nayatak yaqhachat t'ant'xa naya nayraqataxar uchapunïtawa.

Levítico 8:31

Ukatsti Moisesax Aaronampiru, yuqanakapampirux sarakïnwa: “Uka aychxa Tatitump Jikisiñ Carpar mantañäkis uka chiqan qhathiyapxam, ukatsti uka pachpan Tatitur luqtañ walayan utjki uka t'ant'amp manq'apxam, kunjämtix Tatitux ‘Aaronampi, yuqanakapampiw aka t'ant'xa manq'apxani’ siskitu ukhamarjama.

Mateo 12:3

Jupasti ukxarux sänwa: ¿Janit jumanakax yatipkta kuntix Davidax masinakapamp manq'at awtjatax lurkatayna ukxa?

Mateo 12:5

¿Janirakit jumanakax Moisesan kamachip ullarapkta, sacerdotenakax sábado urun Tatitun utapan irnaqatapampix janiw juchañchasipkiti siski ukxa?

Marcos 2:26

Abiatar chachax jilïr sacerdotëkän ukkhaxa, Davidax Diosan utaparuw mantäna, ukatsti Diosar luqtat t'ant'a manq'antäna, uka t'ant'asti sacerdotenakatakikïnwa, ukatsti jupampïpkän ukanakaruw churarakïna —sasa.

Lucas 6:4

Davidax Diosan utaparuw mantäna, ukatsti Diosar luqtat t'ant'a aptasin jupampi masinakapampix manq'antapxäna, uka t'ant'ax sacerdotenakan manq'añapakïkchïn ukasa.

Hebreos 9:2

Tatitumpi jikisiñ utasti akham luratänwa: Nayräx tuqinsti Qullan chiqa satäkis ukawjan candelerompi, Diosar luqtat t'ant'anak uchañ mesampiw utjäna:

1 Samuel 21:4

4 (5) Sacerdotex sarakïnwa: —Utjkitu uka t'ant'ax janiw aliqa t'ant'äkiti, jan ukasti Tatitur luqtatawa, ukampis juman jaqinakamatix warminakampi jan jak'achasis jakapxchi ukkhax churirismawa —sasa.

1 Samuel 21:6

6 (7) Ukatsti sacerdotex Tatitur luqtat t'ant'a Davidarux churäna, ukansti janiw yaqha t'ant'ax utjkänti, Tatitur luqtat t'ant'akiw utjatayna, uka pachpa urux junt'u t'ant'a uskuñatakix ukkhakiw altarat apaqasipkatayna.