Mateo 12:2 - Qullan Arunaka DC

² Fariseonakasti uk uñjasin Jesusaruw sapxäna: —Uñjam, kunatix sábado urun jan lurañäki uk yatiqirinakamax lurasipki —sasa.

Aymar Bibliia 1986

² Ucanac uñjasinjja fariseonacajj Jesusarojj sapjjänwa: —Uñjam, aca discipulonacamajj samarañ urun jan lurañäquis ucwa lurapjje —sasa.

Qullan Arunaca

² Ucanac uñjasinjja fariseonacajj Jesusarojj sapjjänwa: —Uñjam, aca discipulonacamajj samarañ urun jan lurañäquis ucwa lurapjje —sasa.

Mateo 12:2 Jak'a apnaqawi uñst'ayäwi

Éxodo 23:12

“Suxta uruw taqi lurañanakam luräta, paqallqüri urusti samarätawa, ukhamata vacamasa, asnomasa samarañapataki; ukatsti uywatamasa, yaqha markankir jaqis ch'ama katxatañapataki.

Éxodo 35:2

Suxta uruw irnaqapxäta, paqallqür urusti jumanakatakix qullanäniwa, Tatitur jach'añchañ samarañ urüniwa. Khititix uka urun irnaqanixa, jiwayatäniwa.

Isaías 58:13

“Sábado urxa yäqapxapunim; uka qullan uruxansti janipun kuna aljasiñanakansa sarnaqapxamti, uka urusti jumanakatakix kusisiñ urüñapawa, mä qullan urüñaparakiwa. Uka urux Tatitur luqtat urüñapawa. Ukham uka uruxarux yäqapxäta, jan kuna aljasiñanakar uskusisa, jan wali arunak jan parlasa.

Mateo 12:10

Ukansti ampar pharsut mä jaqiw ukankaskäna; Jesusar aynacht'ayañatakiw akham sas jiskt'apxäna: —¿Sábado urun mä usutar k'umaraptayañax walikïskiti? —sasa.

Mateo 12:3

Jupasti ukxarux sänwa: ¿Janit jumanakax yatipkta kuntix Davidax masinakapamp manq'at awtjatax lurkatayna ukxa?

Marcos 2:24

Fariseonakasti uk uñjasin Jesusarux sapxänwa: —Uñjam, ¿kunatsa yatiqirinakamax sábado urun jan wakiski uk lurapxi? —sasa.

Lucas 14:3

Jesusasti kamachi yatichirinakampiru, fariseonakampiruw jiskt'äna: —¿Wakisiti, janicha sábado urun qullañaxa? —sasa.

Lucas 23:56

Utar kutinisinsti, suma q'apkir qullanak wakiyapxäna, ukatsti kamachin qillqatarjamaw uka warminakax sábado urun samarapxäna.

Lucas 6:2

Fariseonakasti uk uñjasax Jesusaruw jiskt'apxäna: —¿Kunatarak jumanakasti kunatix sábado urun jan lurañäki uk lurapxtasti? —sasa.