Mateo 12:10 - Qullan Arunaka DC

¹⁰ Ukansti ampar pharsut mä jaqiw ukankaskäna; Jesusar aynacht'ayañatakiw akham sas jiskt'apxäna: —¿Sábado urun mä usutar k'umaraptayañax walikïskiti? —sasa.

Aymar Bibliia 1986

¹⁰ Ucansti mä ampar pharsuta jakew ucancäna. Jesusaru aynacht'ayañ munasinsti, aqham sasaw jisct'apjjäna: —¿Waliquïsquiti mä usutaru samarañ uruna c'umaraptayañajja? —sasa.

Qullan Arunaca

¹⁰ Ucansti mä ampar pharsuta jakew ucancäna. Jesusaru aynacht'ayañ munasinsti, aqham sasaw jisct'apjjäna: —¿Waliquïsquiti mä usutaru samarañ uruna c'umaraptayañajja? —sasa.

Mateo 12:10 Jak'a apnaqawi uñst'ayäwi

Isaías 32:6

Mä jaqix arsutapampiw maynirux chuymap ust'ayi, chuymapansti jan wali amtäwinakak amtaski, jaqi jiwayañak munaski, manq'at awtjat jaqirux jan kunan khithanuku, umat pharjatarus janiw um waxt'kiti. Tatiturus k'arintarakiwa.

Isaías 59:13

Tatitutakiw sayt'astanxa, chuymanakasansti janiw jupatakjamäktanti, Tatitusarusti janiw arkañ munkäyätanti, jaqir nuwañampita, jan wali lurañampitak parlaskäyätanxa, mayninakar sallqjañatakikiw amtaskäyätanxa.

Isaías 59:4

Janiw khitis aski amtampix jucha taripir nayraqataparux uñstkiti, jucha t'aqaña chiqanakansa janiw chiqapar uñjañax utjkiti. Jan ukasti k'ari arunakaruw jaysapxi, janirakiw khitis chiqap arskiti. Ñanqha lurañampi phuqhantatäpxiwa, ukham tukutapunïpxiwa.

Zacarías 11:17

¡Ay, kunakïkani oveja tama ananukuri jan wali awatiritxa! ¡Walïspaw mä espadampi amparap khuchhuqañaxa, mä cuchillompi kupi nayrap k'ilsuñaxa! ¡Amparapax taqpach pharspan, nayrapasti q'ala juykhuptarakpan!”

Mateo 12:2

Fariseonakasti uk uñjasin Jesusaruw sapxäna: —Uñjam, kunatix sábado urun jan lurañäki uk yatiqirinakamax lurasipki —sasa.

Mateo 19:3

Ukapachaw fariseonakat mayninakax, Jesusar jak'achasisin jupar yant'añatak jiskt'apxäna: ¿Mä chachax warmipampi mä kunatsa jaljtakispati? —sasa.

Marcos 3:2

Jesusar uñisirinakasti jamasat uñch'ukisipkäna sábado urun qullanit janicha, uk yatiñataki, ukat juchañchañataki.

Lucas 11:54

ukhamat pachpa arupamp aynacht'ayañataki.

Lucas 13:14

Ukampis sinagogan jilïripax wal phiñasïna Jesusan sábado urun k'umaraptayatapata, ukat jaqinakar säna: —Suxtüruw irnaqañatakix utji; uka urunakan qullayasir jutapxañamaxa, janiw sábado urunxa —sasa.

Lucas 20:22

Sapxita: ¿Romankir Cesarar qullqi churañax walikïskiti, janicha? —sasa.

Lucas 23:14

ukat sarakïna: —Jumanakaw aka jaqirux nayan ukar irpanipxtaxa: “Jaqiruw pixtu” sasa, nayasti jumanak nayraqatan jiskt'arakta, ukatsti jumanakan juchañchatanakamat janiw kuna juchsa jikxatkti.

Lucas 23:2

Pilato nayraqatan juchañchañ qalltapxäna akham sasa: —Aka jaqirux markasar pixtuskir katjapxta. Ukatsti ‘Impuestox janiw Romankir emperadorarux churañäkiti’ siwa, ukhamarus nayax ‘Cristötwa’ sarakiwa, mä arunsti ukax ‘rey’ sañ muni —sasa.

Juan 5:10

judionakasti k'umaraptir jaqirux sapxänwa: —Jichhürux sábado uruwa; janiw ikiñam apañamax wakiskiti —sasa.

Juan 5:3

Uka chiqansti walja usutanakaw utjäna: juykhunaka, kayu usutanaka, suchunaka; jupanakasti uman unxtañap suyasipkäna.

Juan 7:23

Jichhasti walikiwa, jumanakatix Moisesan kamachip jan p'akintañ munas sábado urun wawarux circuncisión katuqayasipkakstaxa, ¿kunatarak nayatak arusipxta sábado urun mä jaqir k'umarachataxatsti?

Juan 8:6

Jupanakax Jesusar yant'añatakiw ukham jiskt'apxäna, ukat jupar juchañchañataki. Jesusasti uraqir alt'asaw luk'anampi qillqañ qalltäna.

Juan 9:16

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,