Mateo 11:5 - Qullan Arunaka DC

⁵ Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.

Aymar Bibliia 1986

⁵ Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Qullan Arunaca

⁵ Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 11:5 Jak'a apnaqawi uñst'ayäwi

2 Reyes 5:14

Naamán chachasti Jordán jawirar sarasin paqallq kutiw umar mantäna, profetax siskatayna ukhamarjama, ukatsti janchipax mä wawan janchipjamaw tukuwayxäna, q'umachatäxarakïnwa.

2 Reyes 5:7

Israel marka apnaqir reyisti qillqat ullarasax, llakisiñat isip ch'iyanuqasïna, ukat sarakïna: —¿Nayasti jakañ churiri, jakañ apaqir Diosätti, jupan aka chachar lepra usupat qullañaxataki khithaniñapatakisti? ¡Sum amuyapxam, uñjapxarakim, nayatak jan walt'añ thaqhatapa! —sasa.

Salmos 146:8

Tatituw juykhunakarux uñjayi; Tatituw tinkur jaqinakarux wayti; Tatituw aski jaqinakarux munasi;

Salmos 22:26

26 (27) T'aqhisiyat jaqinaka, sist'asiñkam manq'apxam; Tatitur thaqhirinaka, jupar yupaychapxam, walja maranak jakapxarakim.

Éxodo 4:11

Tatitusti saskakïnwa: —¿Khitis jaqir laka churi? ¿Khitis luri jan arsur amuturusa, uqararusa, juykhurusa, nayranirusa? ¿Janit naya Diosäktxa?

Isaías 29:18

Uka urun uqaranakax kuntix jupanakatak maynix ullarkani uk ist'apxani, juykhunakas uñjxapxarakini, jupanakatakix janiw laxa ch'amakas utjkxaniti.

Isaías 29:19

Llamp'u chuymani jaqinakasti, jan kunani jaqinakasa, Qullan Tatitun kusisipxani.

Isaías 43:8

“Markaxarux jutayxapxam, nayranïkchisa, juykhuw tuku, jinchunïkchisa, janiw ist'kiti.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Zacarías 11:7

Nayasti khariñatak yaqhachatäki uka ovejanak uñjañaruw uchasta, sinti t'ukha ovejanakaruw jilpach uñjarakta. Ukatsti pä thujrunak aytasta: mayarux “Walikïskaña” sasaw sutichta, mayarusti “Mayakïña” sasaw suticharakta.

Mateo 10:8

Usutanakar k'umaraptayapxam, jiwatanakar jaktayapxam, lepra usuninakar q'umachapxam, ñanqha ajayunakarus alissupxarakim. Ukanak lurañatakisti, inakiw ch'am katuqapxtaxa, inakirak churanipxam.

Mateo 11:4

Jesusasti jupanakarux sänwa: “Sarapxam, kuntix ist'apkta, uñjapkarakta uk Bautisir Juanar yatiyapxam.

Mateo 12:13

Uka jaqirusti sarakïnwa: —Amparam luqatatam —sasa. Jaqisti ukspachaw amparap luqatatäna, uka amparapasti maya amparapjam k'umaräxänwa.

Mateo 21:14

Ukansti, juykhunakampi, kayu usutanakampiw Jesusar jak'achasipxäna. Jesusasti jupanakarux k'umaraptayänwa.

Mateo 5:3

“Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Mateo 9:30

Ukatsti nayranakapax k'umaräxänwa. Jesusasti jupanakarux akham sasaw iwxt'äna: —Jan khitirus uk yatiyapxamti —sasa.

Marcos 7:37

Jupanakasti wali muspharataw sapxarakïna: “Taqi kunsa sumpun luri. ¡Uqaranakas ist'xiwa, amutunakas arsxarakiwa!” sasa.

Marcos 9:25

Jesusasti walja jaqinak muyuntanir uñjasinxa, ñanqha ajayurux tuqinuqänwa: —Ñanqha uqar amut ajayu, nayaw sisma: Mistum jupata, janirak mayampis mantamti —sasa.

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Juan 10:25

Jesusasti jupanakarux sarakïnwa: —Nayax niyaw sapxsma, ukampis jumanakax janiw iyawsapkistati. Kunanaktix nayax Awkixan munañapat lurkta ukanakax, sum qhanañchaski;

Juan 10:38

Ukampis luräwinakap lurstxa ukax, janis nayarux iyawsapkita, jan ukasti, luräwinakaxar iyawsapxam, ukhamat Awkix nayankatapa, nayasti Awkinkataxarak mäpit yatipxäta —sasa.

Juan 2:23

Jesusax Pascua urun Jerusalén markankkän ukapachasti, muspharkañanak luratap laykux waljaniw juparux iyawsapxäna.

Juan 3:2

Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Juan 9:7

Ukat juykhurux sarakïna: —Siloé uma püñar jariqasir saram —sasa. (Ukax “Khithata” sañ muni.) Juykhusti sarasin jariqasïnwa; kutt'anxän ukkhasti uñjxänwa.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.