Mateo 11:3 - Qullan Arunaka DC

³ jiskt'ir khithäna, jutañapäkän uka Cristox jupäpachati, jan ukax yaqharuch suyañäskaspa uk yatxatiri.

Aymar Bibliia 1986

³ jisct'añataqui —¿Jumätati jutañapäquis uca Cristojja, jan ucajj yakharuch suyapjjäjja? —sasa.

Qullan Arunaca

³ jisct'añataqui —¿Jumätati jutañapäquis uca Cristojja, jan ucajj yakharuch suyapjjäjja? —sasa.

Mateo 11:3 Jak'a apnaqawi uñst'ayäwi

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Salmos 118:26

¡Tatitun sutipar jutirix qullanäpan! Tatitun utapatpach jach'añchanipxsma.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Abdías 1:21

Jupanakasti taqiniw Sión qullur makhatapxani, atipjir markjama; jach'a jach'a tukuri Edom markarux jupanakaw apnaqani, ¡nayasti, reyipäyäwa!

Miqueas 5:2

2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Hageo 2:7

Taqi markanak khathatiyarakï, ukatsti qamir yänakap apanipxani, nayan utaxasti k'ajkirirakïniwa.” Taqi ch'aman Tatituw arsu:

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Malaquías 3:1

Taqi ch'aman Tatitux siwa: “Nayaw yatiyirixa khitanï, jupaw nayatak thakhi wakichani. Jumanakax thaqhapkta uka Tatitux, akatjamat utaparux mantanini. ¡Arust'äwir mantat yatiyirix niyaw purisinki!”

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

Mateo 11:10

Bautisir Juanatsti, Qillqatax akham siwa: “ ‘Akaxay nayax juman nayraqatam khithaxar khitta, jumatak mä thakhi wakichañapataki’ sasa.

Mateo 11:4

Jesusasti jupanakarux sänwa: “Sarapxam, kuntix ist'apkta, uñjapkarakta uk Bautisir Juanar yatiyapxam.

Mateo 21:5

“Jerusalén markarux sapxam: ‘Uñtapxam, juman Reyimaw mä asnxat jutaski, llamp'u chuymani, mä jisk'a asno qallxata, khumuñ uywan qallupxaru.’ ”

Mateo 21:9

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

Marcos 11:9

Jesusan nayräxap qhipäxap saririnakasti jach'at art'asipxäna: —¡Qhispiyapxita! ¡Qullanäpan Tatitun sutipar jutirixa!

Lucas 19:38

Sapxarakïnwa: —¡Tatitun sutipar jutir Reyix jallallatäpan! ¡Alaxpachan sumankañax utjpan, taqinis Diosan ch'amanïtap yatipxpan! —sasa.

Juan 11:27

Martasti sarakïnwa: —Jïsa Tatay, jumax Diosan Yuqapa, Cristötawa, khititix akapachar jutañapäkän ukätawa —sasa.

Juan 12:13

Ukatsti palmerat layminak khuchhurasin Jesusar katuqiriw mistunipxäna, akham arnaqt'asisa: —¡Diosaxay, qhispiyapxita! ¡Tatitun sutipar jutirix qullanäpan! ¡Israelan Reyipax qullanäpan! —sasa.

Juan 16:14

Jupaw nayan kankañax uñacht'ayani, nayankki uk katuqatap layku, uksti jumanakaruw yatiyapxarakïtam.

Juan 4:21

Jesusasti juparux sarakïnwa: —Warmi, arsutaxar iyawsam, Diosar yupaychañ pachax jak'ankxiwa, janiw aka qullurusa, Jerusalén markarus Diosar yupaychirix sarkxapxätati.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 7:31

Waljaniw jupar iyawsapxäna, ukat sapxarakïna: —Cristox jutkani ukkhasti ¿aka jaqit sipan juk'amp muspharkañanakti lurpachänisti? —sasa.

Hebreos 10:37

Qillqatax siwa: “Khititix jutañapäki ukax jank'akipuniw jutani janiw juk'ampi suykaniti.