Mateo 11:21 - Qullan Arunaka DC

²¹ “¡Corazín marka, jumax llakkañätawa! ¡Betsaida marka, jumax kamachkakïta! Tiro markampina, Sidón markampintix taqi aka muspharkañanakax lurasisapän ukaxa, ukspachaw jupanakax llakisiñ isinakampi isthapita, Diosar kutikipstapxasapäna.

Aymar Bibliia 1986

²¹ “¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Qullan Arunaca

²¹ “¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Mateo 11:21 Jak'a apnaqawi uñst'ayäwi

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Jeremías 13:27

Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Joel 3:4

4 (4) “Tiro, Sidón, Filistea markanaka, ¿kunsa nayampix lurañ munapxta? ¿Phuqsusiñti munapxista? ¿Kunanak mayisxañcha munapxtaxa? ¡Kunatix wakiski uk jank'akiw churapxäma!

Amós 1:9

Tatitux akham siwa: “Tiro markankir jaqinakax wali ñanqhanakpun lurawayapxi, ukat jupanakarux mutuyarakï; mä markpachar t'aqhisiyat luqtiritak Edom markar aljantapxatapata, kawkïr markanakampitix jilapurjam jakasiñatak arust'äwix utjkäna ukar jan phuqhapxatapata.

Mateo 11:22

Ukampis nayax sapxsmawa, taripäwi urun jumanakax Tironkirit sipana, Sidonankirit sipan jach'a mutuñ katuqapxäta.

Mateo 15:21

Jesusasti, uka chiqat Tiro, Sidón uka markanakaruw sarxäna.

Mateo 18:7

¡Kunja jan walis akapachatakix jaqinakan juchar puriñ utjatapaxa! Juchar puriñax utjapuniniwa, ukampis ¡kunakïkani juchar puriyir jaqitakixa!

Mateo 26:24

Jaqin Yuqapax Qillqatarjamaw phuqhaski, ukampis ¡kunakïkan Jaqin Yuqapar katuntayir jaqitakixa! Jupan jan yuriñapax walïsapänwa —sasa.

Marcos 3:8

Jesusan muspharkañ luräwinakap yatisinxa, walja jaqinakaw akïr markanakat jupan ukar jutapxäna: Judea, Jerusalén, Idumea, Jordán jawir khurkatata, Tiro, Sidón tuqinakampita.

Marcos 6:45

Uka qhipatsti, Jesusax yatiqirinakaparuw Betsaida markar botet makhatxapxañapatak khithanuküna, ukchañkamasti jupax jaqinakaruw khithanukxarakïna.

Marcos 7:24

Jesusasti uka chiqat mistuwayxasinxa, Tiro markaruw sarxäna. Mä utar purisinsti, Jesusax janiw khitin yatiñapsa munkänti, ukampis janiw jaqinakat imantasiñjamäkänti.

Marcos 7:31

Jesusax Tiro markat mistxasinxa, Sidón chiq sarakipawayäna Galilea quta jak'ar puriñkama, Decápolis uraqi chiqa sarasa.

Marcos 8:22

Ukatsti Betsaida markaruw puripxäna, ukansti mä juykhu jaqiruw Jesusan ukar irpanipxäna, juparusti llamkt'añapatakiw achikt'asipxäna.

Lucas 4:26

ukampis Eliasax janiw Israelan utjir ijma warminakan ukar khithatäkänti, jan ukasti, Sidón uraqinkir Sarepta markankir ijma warmin ukar khithatakïnwa.

Lucas 6:17

Jesusax yatiqirinakapampiw qullut saraqanïna, mä pamparuw purïna. Ukansti jupan walja arkirinakapaw tantacht'asïna, ukhamarakiw Judeata, Jerusalenata, Tiro, Sidón uksa lamar quta thiyanakat jutapxatayna.

Lucas 9:10

Apostolunakax kuttanxasin kuntix lurapkatayna uk Jesusarux yatiyapxäna. Jesusasti jupanakarux Betsaida markaruw irpäna.

Juan 1:44

Felipex Betsaida markankirïnwa, Andresampi Pedrompisti uka markankirïpxarakïnwa.

Juan 12:21

Jupanakasti Feliperuw jikxatapxäna, jupax Galilea uraqinkir Betsaida markankirïnwa, ukat jupar achikt'asipxäna: —Tata Felipe, Jesusar uñjañ munapxta —sasa.

Hechos 12:20

Herodes reyix Tiro, Sidón markachirinakatak wali q'apisitänwa. Ukat jupanakax mä amtañanikiw Blasto chachan ukar sarapxäna, uka Blasto chachax Herodes reyin wali aytat yanapiripänwa, jupanakasti uka chachar sumachasin jupa tuqi Herodes reyimpi sumankañ mayipxäna. Tiro, Sidón markanakax reyin uraqipat manq'añanak jikxatapxatap layku. Ukat Blasto jaqix Herodes reyir iyawsayäna jupanakar katuqañapataki.

Hechos 27:3

Qhipürusti Sidón sat puertoruw puripxta. Julio capitanax Pablor suma chuymampiw uñjäna, jilat masinakapar tumpt'iris sarayänwa, jupanakat kuna yanap mayisirisa.

Judas 1:11

¡Ay jupanakat kunakïkani! Caín chachan thakhip arkirinakaxa. Balaam chachjamaw qullqi jikxatañ laykux maysar saranukupxi, Coré chachjamaw saykatasipxatapat jiwapxi.

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.

Apocalipsis 6:12

Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.