Mateo 11:11 - Qullan Arunaka DC

¹¹ Qhanak sapxsma, jaqinak taypinxa, janiw maynis Juanat sipan juk'amp jilankirix utjkiti; ukampisa Diosan qhapaq markapan jisk'äki ukax, Juanat sipan jilankiwa.

Aymar Bibliia 1986

¹¹ “Khanacwa sapjjsma, janiw maynis acapachanjja utjquiti Juanat sipan juc'amp jach'ajja, ucampisa taket jisc'äquis Diosan reinopana ucajja, jupat sipansa wali jach'awa.

Qullan Arunaca

¹¹ “Khanacwa sapjjsma, janiw maynis acapachanjja utjquiti Juanat sipan juc'amp jach'ajja, ucampisa taket jisc'äquis Diosan reinopana ucajja, jupat sipansa wali jach'awa.

Mateo 11:11 Jak'a apnaqawi uñst'ayäwi

Job 14:1

Jaqin jakäwipax mä juk'a urutakikiwa, t'aqhisiñanakampi phuqhantata.

Job 14:4

Janiw khitis q'añu kankañatxa, q'uma kankañ apskaspati,

Job 15:14

Q'uma jaqix janiw maynis utjkiti, jan juchan jaqisa janirakiw utjkiti.

Job 25:4

¡Dios nayraqatanxa, janiw khitis q'umätwa siskaspati!

Salmos 51:5

5 (7) Nayax yuritaxatpach juchanïtwa; taykaxan purakapatpach juchanïtwa.

Isaías 30:26

Uka urunxa, Tatituw markapan chhuxrinakap qullart'ani. Ukapachaw phaxsix intjam qhantani, intisti qhanapat sipansa juk'amp qhant'ani, paqallqu intin qhanapäkaspas ukhama.

Zacarías 12:8

Naya, Tatituw Jerusalén markan jakirinakarux imarakï. Jupanakat wali t'ukhäpkis ukanakax David reyjamaw wali ch'aman tukupxani, Davidat saraqirinakasti Diosar uñtatäniwa, jupanakan nayraqatap sarantir Tatitun angelapjama.

Mateo 11:10

Bautisir Juanatsti, Qillqatax akham siwa: “ ‘Akaxay nayax juman nayraqatam khithaxar khitta, jumatak mä thakhi wakichañapataki’ sasa.

Mateo 11:12

“Bautisiri Juanan jutatapat jichhürkamaxa, Diosan qhapaq markapax wali arknaqataw uñjasi, khitinakatix ch'amampi atipjañ munapki jupanakax uk tukusiyañ munapxi.

Mateo 3:1

Mä qawqha maranakatsti, Bautisir Juanax Judea wasararuw Diosan arunakap parlir misttanïna.

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Mateo 5:19

Ukatpï sapxsmaxa, khititix uka kamachinakat mä jisk'a kamachikïkchi ukasa jan phuqkani, janirak jaqinakarus ukarjam sarnaqañapatak yatichkani ukaxa, jupasti alaxpach markan mä jisk'at uñt'atakïniwa. Ukampis khititix kamachi phuqhani, ukat yaqhanakar ukham phuqhañapatak yaticharakini ukasti, alaxpach markan jach'at uñt'atäniwa.

Lucas 1:15

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Lucas 7:28

Nayasti sapxsmawa, taqi jaqinak taypin Bautisir Juanat sipan juk'amp jach'a profetax janiw utjkiti; ukampis, Diosan qhapaq markapan juk'amp jisk'äki ukax jupat sipan juk'amp aytatawa” sasa.

Lucas 9:48

jupanakarusti sarakïnwa: —Khititix aka wawar sutixar katuqki ukax nayaruw katuqitu; khititix nayar katuqkitu ukasti khithankitu ukaruw katuqaraki. Ukhamasti khititix jumanak taypin juk'amp jisk'äki ukaw jach'ar tukuyatäni —sasa.

Juan 1:15

Juanasti jupat parläna akham sasa: “Jupatpï nayax arsupxäyäsmaxa: Nayan qhipaxat jutki ukax, nayat sipan juk'amp jilïriwa, jupasti nayax janïr utjkäyät ukkhatpach utjapunïnwa” sasa.

Juan 1:27

Jupasti nayan qhipaxat juti. Nayax janiw askïkti wiskhu t'isnup jararañatakisa —sasa.

Juan 10:41

Ukawjarusti walja jaqipuniw Jesusar uñjir sarapxäna, ukatsti sapxarakïnwa: —Chiqpachansa, Bautisir Juanax janiw kuna muspharkañ unañchanaksa lurkänti, taqi kuntix jupax aka jaqit yatiykän ukax chiqäskapuniwa —sasa.

Juan 3:30

Jupasti sapürutjamaw jach'ar tukuni, nayasti jisk'aruw tukurakï —sasa.

Juan 5:35

Bautisir Juanan yatichäwipax mä qhanjamaw qhanäna, jumanakasti uka qhanapan mä juk'a pachakiw kusisiñ munapxäyätaxa.

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

1 Corintios 15:9

Nayax apostolunakat sipan jan yäqatakïtwa, janirakiw apóstol satäñatakis askïkti, Diosan iglesiapar arknaqatax layku.

1 Corintios 6:4

Ukhamasti, jakäwiman ch'axwanakatix utjchixa, ¿kamisarak jan iglesiankirïpki uka jaqinakar ch'axwanak uñjapxañapatak uchapxtasti?

Efesios 2:3

Taqi jiwasanakax uka kipkarakiw nayrapachax jakäyätan, ñanqha amtäwinakasar arkasa, janchisan munañanakaparjama, amtäwinakasarjam phuqhasa. Uka laykusti, Diosan axsarkañ mutuyäwip mayninakjam katuqañasaw wakisïna.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

2 Timoteo 1:10

Jichhasti, Qhispiyir Jesucristos tuqiw uka munasiñapax uñacht'ayasi, jupaw jiwan ch'amap t'unjawayi, suma yatiyäwinak tuqiw wiñay jakañ churawayi.

Hebreos 11:40

Diosasti jiwasanakat amtasisax juk'ampi sumanak wakichatayna, ukhamat jupanakan jiwasanakamp chikachasisin q'umachatäpxañapataki.

1 Pedro 1:10

Nayra profetanakasti aka qhispiyasiñat wali sum yatxatapxäna, kuntix Tatitux khuyapayasiñapan jumanakar churkani ukanakat parlapxarakïna.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.