Mateo 10:5 - Qullan Arunaka DC

⁵ Jesusax uka tunka payaniruw aka iwxt'anakamp khithäna: “Jan judiöpkis ukanakan markaparux jan sarapxamti, Samariankki uka markanakarus janirak mantapxamti;

Aymar Bibliia 1986

⁵ Uca tunca payanirusti aca ewjjt'anacampiwa qhitäna: “Jan judiöpquis ucanacarojj jan sarapjjamti, janiraqui Samariancquis uca marcanacarus mantapjjamti.

Qullan Arunaca

⁵ Uca tunca payanirusti aca ewjjt'anacampiwa qhitäna: “Jan judiöpquis ucanacarojj jan sarapjjamti, janiraqui Samariancquis uca marcanacarus mantapjjamti.

Mateo 10:5 Jak'a apnaqawi uñst'ayäwi

Mateo 22:3

Uywatanakaparuw jaqichasïwir jawsayatanak jawsir khithäna, ukampis jupanakax janiw jutañ munapkänti.

Mateo 4:15

“Zabulón uraqi, Neftalí uraqi, Jordán jawirat khurkatana, quta thiyankir uraqi: jan judionakan utjasiñ Galilea uraqi.

Marcos 6:7

Tunka payan yatiqiripar jawsasinsti, panin panin khithäna, ñanqha ajayunak alissupxañapatak ch'am churasa.

Lucas 10:1

Uka qhipatsti, Jesusax yaqha paqallq tunka payaniruw ajllïna, jupanakarusti Jesusax kawkha markanakarutix sarañapäkän ukanakaruw jupat nayra panin panin khithäna.

Lucas 10:33

Ukampis Samariankir mä jaqiw uka kipka thakhinjam saraskäna, uka jaqir uñjasasti, wal khuyapt'ayasïna.

Lucas 17:16

Jupasti Jesusan nayraqataparuw killt'asïna, ajanupsa uraqkam alt'asaw jupar yuspagaräna. Aka jaqisti Samaria markankirïnwa.

Lucas 9:1

Jesusax tunka payan yatiqiriparuw tantacht'äna, ukat kunayman ñanqha ajayunakar alissuñataki, usutanakar qullañatakiw ch'amampi munañanïñamp churäna.

Lucas 9:2

Jupanakarux Diosan qhapaq markapat parlapxañapataki, usutanak qullapxañapatakiw khithäna.

Juan 17:18

Kamisatix nayarux akapachankirinak taypir khithanistaxa, uka pachparakiw jupanakarux akapachankirinak taypir khitta.

Juan 20:21

Jesusasti wasitampiw jupanakar säna: —¡Sumankañax jumanakampïpan! Kunjämtix Awkix nayar khithankitu, ukhamarakiw jumanakar khithapxsma —sasa.

Juan 4:20

Nayra samaritano awkinakaxax, aka Guerizim qullun Diosar yupaychapxirïna, ukampis jumanak judionakax sapxtawa “Jerusalén markaw yupaychañ chiqaxa” —sasa.

Juan 4:5

Samaria chiq sarkasinsti, Sicar sat markaruw purïna, Jacobux José yuqapar tuti uraq churkatayna uka jak'aru.

Juan 4:9

Judionakampi samaritanonakampi jan walinkapxatap laykusti, Samariankir warmix Jesusarux sänwa: —¿Kamisarak jumasti, Judeankir jaqïkasina, naya, Samariankir warmir uma mayistasti? —sasa.

Juan 7:35

Judionakasti jupanakkamaw jiskt'asipxäna: —¿Kawkirurak sarxpachänisti, jiwasanakan jupar jan jikxatañatakisti? ¿Jaya markanakar ananukut judionakan ukarut sarpachäni, ukatsti Diosar jan uñt'ir jaqinakar yatichirich sarpachänixa?

Juan 8:48

Judionakat yaqhipanakax juparuw sapxäna: —Chiqak sasipksma, jumax Samariankir jaqïtawa, ñanqha ajayun jaqirakïtawa —sasa.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 10:45

Pedrompi chik Jope markat jutapkatayna uka judío iyawsirinakasti muspharataw uñjasipxäna, jan judío jaqinakxar Qullan Ajayun jutatapata.

Hechos 8:1

Saulosti ukan jikxatasïna, Estebanar jiwayir sum uñjaskäna, ukax jupatakix walikïnwa. Uka urutpach Jerusalenankir iglesiax wali uñisitaw uñjasïna. Taqiniw Judea tuqinakaru, Samaria tuqinakar aywitatawayxapxäna. Apostolunakakiw Jerusalenan qhiparxapxäna.

1 Tesalonicenses 2:16

kunapachatix jan judiöpkis ukanakar qhispiyasiñat parlañ munapkta ukkhaxa, janiw parlayapkituti. Ukhamat juchanakapampix yapt'asipxi. Ukampis uk tukjañatakix Diosan axsarkañ mutuyäwipaw jupanakxar juti.