Mateo 10:42 - Qullan Arunaka DC

⁴² Khititix aka jisk'anakat maynirukis nayar arkatap layku mä juk'a ch'uch'u umaksa waxt'anixa, chiqpachapuniw sapxsma, ukham luratapat churäwip katuqapuniniwa”.

Aymar Bibliia 1986

⁴² Qhititejj aca jisc'anacat mayniru mä vaso ch'uch'u umacsa wajjt'anejja nayar arcatap laycu ucajja, chekapuniw uqham luratapat churäwi catokani.”

Qullan Arunaca

⁴² Qhititejj aca jisc'anacat mayniru mä vaso ch'uch'u umacsa wajjt'anejja nayar arcatap laycu ucajja, chekapuniw uqham luratapat churäwi catokani.”

Mateo 10:42 Jak'a apnaqawi uñst'ayäwi

1 Reyes 17:11

Uka warmix niyaw uma aptir saraskäna, Eliasasti wasitat jawsasin jupar säna: —Mä jisk'a t'ant'amp kunay apanirapita —sasa.

2 Reyes 4:10

Jupatak uta patxar mä uta lurarapiñäni. Uka utarusti mä ikiñampi, mä mesampi, mä qunt'asiñampi, mä micha chuwampi ucharapiñäni. Jiwasar tumpt'ir jutkani ukapachasti, ukan qamarasiwaykani —sasa.

Proverbios 19:17

Jan kunan jaqir mayt'irix Tatituruw mayt'aski, Tatit pachpaw uka manu phuqxani.

Proverbios 24:14

Jumatakix yatiñ kankañasa, uñt'añ kankañasa, ukham misk'ïniwa; jumatix ukanak jikxatätaxa, qhipa urunakamax sumäniwa, amtäwinakamasti phuqhasiniwa.

Eclesiastés 11:1

T'ant'am umar jaquntam; ukat mä qawqha pachat jikxatäta.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Mateo 18:10

“Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Mateo 18:14

Uka pachparakiwa, alaxpachankir Awkimax janiw aka jisk'alalanakat khitinsa chhaqhañap munkiti.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Lucas 17:2

Uka jaqin mä jach'a qalamp kunkat chinuntasin qutar jaquntatäñapax askïspawa, aka jisk'anakat maynir juchar puriyañapat sipansa.

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.