Mateo 10:25 - Qullan Arunaka DC

²⁵ Mä yatiqiritix yatichiripjamäxchixa, ukampix kusisitakïxañapawa, mä uywatatix uywiripjamäxchixa, ukampix kusisitakïxañapawa. Utanirutix Beelzebú sas sutichapxchixa, juk'amp jan walinak utankirinakarux sapxani.

Aymar Bibliia 1986

²⁵ Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Qullan Arunaca

²⁵ Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 10:25 Jak'a apnaqawi uñst'ayäwi

2 Reyes 1:2

Mä urusti Ocozías reyix Samaria markan reyi utapan utjir alay ventanat jalaqtäna, jupasti wali chhuxriñchjataw jikxatasïna. Ukatsti jupax Ecrón markankir Baal-zebub sat diosapar jiskt'ayiriw khithanak khithäna: “Waliptxiristti, janicha” sasa.

Mateo 12:24

Ukham ist'asinsti, fariseonakax sapxänwa: “Aka jaqix, Beelzebú sat supayanakan jilïripan ch'amapampiw ñanqha ajayunak alissu” sasa.

Mateo 12:27

Jumanakax sapxtawa: Beelzebun ch'amapampiw uka ñanqha ajayunakarux jaqsu, sasa; ukhamächi ukasti, ¿khitirak jumanakan arkirinakamarusti ch'am churasin ukham uka ñanqha ajayunakar anqar alissuñatak ch'am churisti? Ukatpï, jupanakpachaw pantjasitäpxatanakam qhanañchasipki.

Mateo 9:34

Fariseonakasti sapxänwa: —Aka jaqix ñanqha ajayun jilïripan ch'am churataw uka ñanqha ajayunakarux alisnuku —sasa.

Marcos 10:39

Jupanakasti sapxänwa: —T'aqhisipxiristwa —sasa. Jesusasti sänwa: —Jïsa, ukhamäniwa. Jumanakax wal t'aqhisipxäta, kunjämtix nayax t'aqhiskä ukhama.

Marcos 3:22

Jerusalenat jutir kamachi yatichirinakasti sapxarakïnwa: “Aka jaqix Beelzebú jilïr ñanqha ajayun mantatäpachawa, ukatpï ñanqha ajayunakarux jaqinakat alissuxa” sasa.

Lucas 11:15

ukampis yaqhipanakax sapxänwa: “Aka jaqix Beelzebú sat jilïri supayan ch'amapampiw ñanqha ajayunak alissu” sasa.

Lucas 11:18

Ukhamarakipï, supayatix jupa pachpa jaljtaspaxa, ¿kunjämarak ch'aman sayt'aspasti? Aksti jumanakan: ‘Akax Beelzebú supayan ch'amapampiw ñanqha ajayunak alissu’ sapxatam laykuw sapxsma;

Lucas 11:19

ukhamächi ukasti, ¿khitirak jumanakan arkirinakamarusti ñanqha ajayunak jaqsupxañapatak ch'am churisti? Ukatpï, jupanak pachpaw ukham arsupxatamat jumanakar juchañchapxätam.

Juan 10:20

Jupanakat waljaniw sapxäna: —¿Kunatarak jupar yäqasipktasti? Jupax ñanqha ajayun luqhi jaqiwa —sasa.

Juan 7:20

Jaqinakasti sapxarakïnwa: —Ñanqha ajayunïtawa. ¿Khitirak jiwayañ muntamsti? —sasa.

Juan 8:48

Judionakat yaqhipanakax juparuw sapxäna: —Chiqak sasipksma, jumax Samariankir jaqïtawa, ñanqha ajayun jaqirakïtawa —sasa.

Juan 8:52

Judionakasti juparux sapxarakïnwa: —Jichhakuchapï ñanqha ajayunïtam yatxapxtxa. Abrahamasa, taqi profetanakas jiwarxapxiwa, jumasti saraktawa: “Khititix nayan arsutaxar jaysani ukasti, wiñayatakiw Diosampi jakani” sasa.