Mateo 10:22 - Qullan Arunaka DC

²² Taqi jaqinakaw nayar arkapxatam laykux jumanakar uñisipxätam; ukampis khititix tukuykam sayt'kani ukakiw qhispiyasini.

Aymar Bibliia 1986

²² Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Qullan Arunaca

²² Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Mateo 10:22 Jak'a apnaqawi uñst'ayäwi

Proverbios 29:27

Aski jaqinakax, jan wali jaqinakarux uñisiwa; ñanqha lurir jaqinakasti, aski jaqinakarux uñisirakiwa.

Mateo 10:39

Khititix jakañap qhispiyasiñ munanixa, apt'asiniwa, ukampis khititix jakañap naya layku apt'asinixa, qhispiyasiniwa.

Mateo 24:13

Ukampis khititix tukuykam sayt'kani ukakiw qhispiyatäni.

Mateo 24:9

“Jumanakarusti, nuwjañataki, jiwayañatakiw katuyapxätam, taqi jaqinakarakiw nayar arkapxatam laykux uñisipxätam.

Mateo 5:11

“Kusisipxam kunapachatix jaqinakax nayar arkapxatam layku tuqipxätam, usuchjapxätam, k'arintapxätam ukkhaxa.

Marcos 13:13

Naya laykux taqinin uñisit sarnaqapxäta, ukampis khititix tukuykam sayt'kani, ukakiw qhispiyatäni.

Lucas 21:17

sutix laykusti taqinin uñisitaw sarnaqapxäta;

Lucas 21:19

¡Ch'aman sayt'asipxam, jakañam qhispiyasiñataki!

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Lucas 8:15

Suma laq'ar purir jathasti, khitinakatix taqi chuymamp Diosan arup ist'apki, ukarjam sarnaqapki jupanakawa, taqi ch'amamp sayt'apxatapat suma achunak churapxi.

Juan 17:14

Nayasti jupanakarux arunakam churta, ukampis akapachankirinakax jupanakarux uñisiwa, jupanakan jan akapachankirïpxatap layku, kamisatix nayax jan akapachankirïktxa ukhama.

Juan 7:7

Akapachankirinakax janiw jumanakar uñisipkiristamti; ukampis nayarux uñisipxituwa, nayan jupanakar jan wali luratanakap irkatatax layku.

Hechos 9:16

Nayaw juparux uñachayä kunanaktix sutix layku t'aqhisiñap wakiskani uka” sasa.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

2 Corintios 4:11

Nanakasti jakkasinxa sapürus Cristo laykux jiwañat qhispipxta, ukhamat Jesusan jakañapax jiwir janchinakaxan uñstañapataki.

Gálatas 6:9

Ukhamasti janiy aski lurañan qarjasiñäniti, luraskakiñäni ukaxa, Diosax wakisitaparuw waxt'äwip churistani.

Hebreos 3:14

Jiwasanakax Cristompi chika katuqirïpxtanwa, jiwasatix tukuykam arkañän ukapacha, kunjämatix qalltatpach iyawsktan ukarjama.

Hebreos 6:11

Ukampis uka suma chuymax sapa maynin tukuykam utjañap munapxta, kuntix suyapkta ukan phuqhasiñapataki.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

1 Juan 3:13

Munat jilatanaka, akapachankirinakatix uñisipxstam ukaxa, jan mayjt'asipxamti.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 2:26

Khitinakatix jan walt'añanakar atipjkani, ukatsti kuntix nayax munkta ukhamarjam tukuykam lurarakini ukarux, nayaw markanak apnaqañapatak ch'aman kankañ churä,

Apocalipsis 2:3

Jumax llamp'u chuyma kankañanïtawa, sutix laykusti jan qarjasisaw wal t'aqhisiraktaxa.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.