Mateo 1:1 - Qullan Arunaka DC

¹ Akax, Jesusan nayra awkinakapan sutipatkam aytatawa, jupax Davidampita, Abrahamampit saraqirïnwa.

Aymar Bibliia 1986

¹ Acajj Jesusan nayra awquinacapan listapawa. Jupasti Davidanpin Abrahamanpin familiapataraquïnwa.

Qullan Arunaca

¹ Acajj Jesusan nayra awquinacapan listapawa. Jupasti Davidanpin Abrahamanpin familiapataraquïnwa.

Mateo 1:1 Jak'a apnaqawi uñst'ayäwi

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Génesis 2:4

Ukhamaw alaxpachana, akapachan lurasïwipaxa. Kunapachatix Tatit Diosax alaxpacha, akapacha lurkatayna ukapachaxa,

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

Génesis 5:1

Diosax jupar uñtasit jaqirux luräna.

Salmos 132:11

Tatitux juramentompiw David reyirux arsüna, uka arsutapatsti janiw yaqha amtkaniti:

Salmos 89:3

3 (4) Jumaw Davidampix arust'äwi luräyätaxa, ajllit uywatamarux arsüyätawa:

Salmos 89:36

36 (37) wawanakapax jupa lantiw marka apnaqapxani, intin utjañapkamaw reyit utt'atäpxani.

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 53:8

Jan chiqa uñjäwimpiw apapxäna, janirakiw khitis jupar arxatt'irix utjkänti; janiw khitis jupat llakt'askänti. Markaxan juchanakap laykuw juparux jiwayapxäna.

Jeremías 23:5

Tatitux siwa: “Mä uruw purinini Davidan wawapax reyïkani uka uru, jupax wali amuyt'ampiw sarayani, chiqpach luräwimpiw aka marka apnaqani.

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Amós 9:11

“Davidan tinkut utap wasitat sayt'ayañ urux jutaskiwa. Pirqa p'iysutanaksa phuqhantäwa, pirqa tinkutanaksa wasitat sayt'ayä, kunjamäkäntix nayrapachax ukham lurt'arakï,

Zacarías 12:8

Naya, Tatituw Jerusalén markan jakirinakarux imarakï. Jupanakat wali t'ukhäpkis ukanakax David reyjamaw wali ch'aman tukupxani, Davidat saraqirinakasti Diosar uñtatäniwa, jupanakan nayraqatap sarantir Tatitun angelapjama.

Mateo 1:18

Jesusan yurïwipax akhamänwa: María taykapax Joseampi jaqichasiñatak parlatänwa; ukampis janïr chikthapkasin Qullan Ajay tuqi usur jaqiptäna.

Mateo 1:2

Abrahamax Isaacan awkipänwa, Isaacasti Jacobun awkipänwa, Jacobux Judá chachampina, jilanakapampin awkipänwa.

Mateo 15:22

Ukatsti Canaán uraqinkir mä warmiw Jesusan ukarux wal arnaqt'asis jutäna: —¡Tatay, Davidan Yuqapa, nayat khuyapt'ayasita! ¡Phuchhaxaw supayampi t'aqhisiyat uñjasi! —sasa.

Mateo 3:16

Kunapachatix Jesusax bautisatäxasin umat mistunxän ukkhasti, alaxpachaw jist'artäna, ukatsti Qullan Ajayurux palomar uñtat jupxar saraqasinkir uñjäna.

Mateo 9:27

Jesusan ukawjat mistunkipansti, pani juykhu jaqiw arnaqasis juparux arkanipxäna: —¡Davidan yuqapa, khuyapt'ayasipxita! —sasa.

Lucas 1:33

Israel markar wiñay apnaqañapataki. Jupan uka markar apnaqañapax janipuniw tukuskaniti —sasa.

Juan 7:42

Qillqatan siwa: “Cristox David reyit saraqirïñapawa, Belenankirïñaparakiwa Davidan pachpa markapata” —sasa.

Hechos 2:30

Davidax profetänwa, ukat kuntix Diosax juramentompi jupar siskatayna uk yatïna: “Juman reyi qunuñamarux, jumat saraqir mayni wawamaruw utt'ayä” sasa.

Romanos 1:3

Uka yatiyäwiw Jesucristo Tatitusan Yuqapat parli, jupasti jaqir tukusaw yuriwayi, Davidan wila masipata, ukampis jiwatat jaktatapampiw taqi ch'aman Diosan Yuqapat utt'ayat uñjasi, qullanaptayir ajayjama.

Romanos 4:13

Diosax Abrahamampiru, wawanakapampiruw arsüna, akapach churañataki, ukampis aka arsüwix janiw kamachir phuqhatap laykükänti, jan ukasti, iyawsatap laykuw Diosax askit katuqäna.

Romanos 9:5

Jupanakax nayra awkinakasan wawanakapawa; Cristox janchi tuqin jupanak taypit juti, jupasti taqi kunxar Diosawa, wiñayatak yupaychatäpan. Ukhamäpan.

Gálatas 3:16

Diosax Abrahamar arsuwaykän ukanakax, Abrahamampitaki, jupat saraqirimpitakïnwa. Qillqatan janiw “Saraqirinakat” parlkiti, walja jaqïkaspas ukhama, jan ukasti mayni sapatak parli: “Juman saraqirimaru” sasa, ukasti Cristowa.

1 Timoteo 2:5

Mä sapa Diosakiw utji, mä sapa jaqikiw utji, Diosampi jaqinakampi sumankthapiyirixa, ukasti Jesucristowa.

2 Timoteo 2:8

Jesucristot amtasim, aka qhispiyasiñ arunak yatichataxarjamasti, Jesusax David reyin wila masipat jutirïnwa, jupasti jiwatanak taypit jaktawayarakïna.

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”