Marcos 1:4 - Qullan Arunaka DC

⁴ Khä urunakan Bautisir Juanax wasaran uñstäna; taqiniruw parläna akham sasa: “Tatitur kutikipstxapxam, bautisasipxarakim, ukhamat juchanakaman pampachatäñapataki” sasa.

Aymar Bibliia 1986

⁴ Juanaw wasaran jakenacarojj bautisascäna, ucatsti saraquïnwa: Jan wali luräwinacamatjja arrepientisipjjam, juchanacamat perdonatäpjjañamataqui, sasa.

Qullan Arunaca

⁴ Juanaw wasaran jakenacarojj bautisascäna, ucatsti saraquïnwa: Jan wali luräwinacamatjja arrepientisipjjam, juchanacamat perdonatäpjjañamataqui, sasa.

Marcos 1:4 Jak'a apnaqawi uñst'ayäwi

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Mateo 3:6

Jupanakasti juchanakap arsusipxäna, ukat Juanax Jordán jawiran jupanakar bautisäna.

Marcos 1:5

Taqi Judeankiri, Jerusalén markankirinakas jupar ist'iriw mistunipxäna. Juanasti jupanakan juchanakap arsusipanxa, Jordán jawiran jupanakarux bautisäna.

Lucas 1:77

markapar qhispiyasiñat yatiyäta, juchanakapat pampachasiñ utjatapata.

Juan 3:23

Uka pachparakiw Bautisir Juanax Enón sat chiqan bautisaskäna, Salim sat jak'ana, ukawjan walja uma utjatap layku, jaqinakasti bautisayasiñatakiw Juanar thaqhapxarakïna.

Hechos 10:37

Judea uraqin luraskäna uk jumanakax yatxapxtawa. Taqi kunas Galilea markan qalltäna, Juanax Nazaretankir Jesusar bautiskän uka qhipata.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.