Lucas 8:32 - Qullan Arunaka DC

³² Uka qullunsti walja khuchhinakaw manq'asipkäna, uka ñanqha ajayunakax uka khuchhinakar mantañatakiw Jesusar achikt'asipxäna. Jesusasti jupanakarux uka khuchhinakar mantapxam sänwa.

Aymar Bibliia 1986

³² Uca kollunsti walja qhuchinacaraquiw mank'asipcäna. Uca ñankha ajayunacasti: “Uca qhuchinacar mantasipcä” sasaw achict'asipjjäna. Jesusasti: “Mantapjjamay uqhamajj” sänwa.

Qullan Arunaca

³² Uca kollunsti walja qhuchinacaraquiw mank'asipcäna. Uca ñankha ajayunacasti: “Uca qhuchinacar mantasipcä” sasaw achict'asipjjäna. Jesusasti: “Mantapjjamay uqhamajj” sänwa.

Lucas 8:32 Jak'a apnaqawi uñst'ayäwi

1 Reyes 22:22

Ajayusti sänwa: “Reyin taqpach profetanakaparux k'arinak parlayä” sasa. Ukat Tatitux sarakïna: “Ukhamatxa k'arintätawa, ukhamax saramay uk luriri” sasa.

Job 1:10

Jumax janiw khitin jupar llamkt'añapsa munktati, utapankirirusa, kuna yänakapatix utjki ukanakarusa; jumax taqi luratanakaparuw askimp phuqt'araktaxa, ukat jupax taqi aka uraqin walja uywanakani qamir jaqixa.

Job 1:12

Tatitusti juchañchir angelarux sarakïnwa: —Ukhamax walikiwa. Kunjämarutix jumax Job chachan taqi yänakapamp lurañ munkta ukhamar luram, ukampis juparux janiw kuna jan walsa lurätati —sasa. Ukat juchañchir angelax Tatitun nayraqatapat sarawayxäna.

Job 2:6

Diosasti juchañchir angelar sarakïnwa: —Walikiwa, kunjämtix jumax munkta ukham jupampix luram, ukampis janiw jakañap apaqätati —sasa.

Salmos 62:11

11-12 (12-13) Diosan arsutap ist'ta, jupan arup yatta: “ch'amasa, munasiñas jupankatapa, jupax sapa mayniruw lurataparjam waxt'i” sasa.

Isaías 65:4

Uka markax amay imat patanakan qunupxi, arumanakas jamas p'iyanakan qharapxi, jiwatanakar yupaychañatakiw ukankapxi; khuchhi aycha manq'apxi, phukhunakaparusti k'ari diosanakar luqtat manq'anakampiw phuqhantapxi.

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Levítico 11:7

“Khuchhi aychsti janirakiw manq'apxätati, khuchhin kayu sillunakapas payar jaljtatäskpan, ukampisa janiw khisthurïpkiti. Khuchhirux q'añu animalat uñt'apxäta.

Mateo 7:6

“Qullanäki uka yänak jan anunakar churapxamti, ukatarak uka anunakasti jumanakar kutkatasin achjasipkiristam. Janirak munat suma yänakamsa khuchhinakar warxaruyapxamti, khuchhinakasti taksupxaspawa.

Lucas 8:31

uka ñanqha ajayunakasti Jesusarux jan manqhapachar khithañapatakiw mayipxäna.

Lucas 8:33

Ukapachaw ñanqha ajayunakax jaqit mistxasin khuchhinakar mantxapxäna, uka khuchhinakasti mä qarqa patat chhukt'asaw qutar jalantapxäna, ukan umampi axskatas jiwarapxäna.

Juan 19:11

Jesusasti juparux sänwa: —Janiw nayatak kuna munañanïkasmasa, janitix Diosax churkiristam ukaxa; ukatpï, khititix jumar katuykitu ukax jumat sipan juk'amp juchaniwa —sasa.

1 Juan 4:4

Wawanaka, jumanakax Diosankirïpxtawa, uka k'ari profetanakarus atipjapxtawa; khititix jumanakampïki ukax akapachankki ukat sipan juk'ampi ch'amaniwa.

Apocalipsis 20:7

Uka waranqa mara phuqhaskani ukkhasti, Supayax jist'antatäki ukawjat antutnukutaw uñjasini,