Lucas 8:27 - Qullan Arunaka DC

²⁷ Jesusan botet mistkipan markankir mä jaqix jupar jak'achasinïna. Aka jaqisti walja maranakaw ñanqha ajayunakan mantat sarnaqäna. Janiw isimpi uchasirïkänti, janirakiw utansa jakirïkänti, jan ukasti amay imatanak taypin jakäna.

Aymar Bibliia 1986

²⁷ Jesusajj wañar mistquipanwa marcanquir mä jakejj jupar jac'achasïna. Aca jakesti walja maranacaraquiw ñankha ajayunacan mantata sarnakäna. Janiw isimp uchasirïcänti, ni utansa jaquirïcänti, jan ucasti panteonanwa jacasirïna.

Qullan Arunaca

²⁷ Jesusajj wañar mistquipanwa marcanquir mä jakejj jupar jac'achasïna. Aca jakesti walja maranacaraquiw ñankha ajayunacan mantata sarnakäna. Janiw isimp uchasirïcänti, ni utansa jaquirïcänti, jan ucasti panteonanwa jacasirïna.

Lucas 8:27 Jak'a apnaqawi uñst'ayäwi

Isaías 65:4

Uka markax amay imat patanakan qunupxi, arumanakas jamas p'iyanakan qharapxi, jiwatanakar yupaychañatakiw ukankapxi; khuchhi aycha manq'apxi, phukhunakaparusti k'ari diosanakar luqtat manq'anakampiw phuqhantapxi.

Números 19:16

“Maynitix mä pampan espadampi jiwayat jaqin amayap llamkt'ani, jan ukax, jiwañap jiwir jaqin amayapsa, jaqi ch'akhanaksa, amay imäwsa llamkt'ani, uka jaqix paqallqu uruw q'añut uñt'atäni.

Mateo 4:24

Jesusan luratapasti Siria uraqpachan yatisïna, jupan ukarusti kunayman usutanakaru, ñanqha ajayun mantatanakaru, t'uku usuninakaru, suchunakaruw irpanipxäna. Jesusasti jupanakarux k'umaraptayänwa.

Marcos 5:15

Jesusan ukar purinisinsti, ñanqha ajayun mantat jaqirux suma isthapt'ata, suma amuyunirak jikxatapxäna. Jaqinakasti wali mulljataw jikxatasipxäna,

Lucas 8:26

Ukatsti jupanakax Gerasa chiqaruw puripxäna, ukasti quta khurkatankiwa, Galilea uñkatasina.

Lucas 8:28

Jesusar uñjasinsti jupan nayraqataparuw killt'asi, arnaqt'asisa: —¡Jesús, alaxpachankir Diosan Yuqapa!, ¿kuna lurañamas nayamp utji? Achikt'assmawa, janiy t'aqhisiyistati —sasa.

1 Samuel 19:24

ukhamarusa isinakap apsusïna, ukatsti q'alalpachaw Samuel nayraqatan mä urumpi, mä arumampi profetjama parläna, ukat mä säwix utji: “¿Saúl reyix mä profetäxarakichä?” sasa.