Lucas 8:25 - Qullan Arunaka DC

²⁵ Ukatsti yatiqirinakaparux sarakïnwa: —¿Kawkinkis iyawsañanakamaxa? —sasa. Jupanakasti mulljataw muspharasipxäna, ukatsti maynit maynikamaw jiskt'asipxäna: —¿Khitirakïpach aka jaqisti, thayas, umas tuqinuqatax juparux jaysakirakisä? —sasa.

Aymar Bibliia 1986

²⁵ Ucatsti discipulonacaparojj saraquiwa: —¿Cawquinquis iyawsañanacamajja? —sasa. Jupanacasti sustjataw muspharasipjje, ucatsti maynit maynicamaw jisct'asipjjäna: —¿Qhitiraquïpach aca jakesti, thayas, umas tokenokatajj juparojj jaysaquiraquisä? —sasa.

Qullan Arunaca

²⁵ Ucatsti discipulonacaparojj saraquiwa: —¿Cawquinquis iyawsañanacamajja? —sasa. Jupanacasti sustjataw muspharasipjje, ucatsti maynit maynicamaw jisct'asipjjäna: —¿Qhitiraquïpach aca jakesti, thayas, umas tokenokatajj juparojj jaysaquiraquisä? —sasa.

Lucas 8:25 Jak'a apnaqawi uñst'ayäwi

Proverbios 30:4

¿Khitirak alaxpachar makhatasin saraqanisti? ¿Khitirak thayar amparapar q'apxäsispasti? ¿Khitirak lamar qutar isipampi llawuntaspasti? ¿Khitirak uraqin qurpanakap utt'ayisti? ¿Jumax sutip yattati, wawapan sutipsa yatiraktati?

Proverbios 8:29

kunapachatix qutan umanakaparusa waña uraqiru jan makhatañapataki arskän ukkhasa, aka uraqi utt'aykän ukkhasa,

Mateo 14:31

Ukspachaw Jesusax amparapat katusin Pedrorux waysüna, ukat sarakïna: —¡Pisi iyawsañan jaqi! ¿Kunatarak pächastasti? —sasa.

Mateo 17:20

Jesusasti jupanakarux sänwa: —Pisi iyawsañanïpxatam laykuwa. Qhanak sapxsma, mä jisk'a mostaza jatha ukch'akis iyawsañanakamax utjaspaxa, aka qullurux: ‘Akawjat yaqha chiqar jittam’ sapxasmawa, qullusti yaqhawjaruw jittaspa. Janiw kunas jumanakatakix ch'amäkaspati.

Mateo 6:30

Diosatix uka panqaranakarux sum isthapiychixa, jichhürux sum panqart'aski, qharürusti ninar phichhantatäxarakiwa, ¡Diosax jumanakampix juk'amp sum lurani, pisi iyawsañan jaqinaka!

Mateo 8:10

Jesusasti uk ist'asin wali musphataw uñjasïna, jupar arkirinakarusti sarakïnwa: —Qhanak sapxsma, israelitanak taypin janiw maynirus aka chachjam iyawsañan jikxatkti.

Mateo 8:26

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.

Marcos 4:35

Uka pachpa uru jayp'thapirusti, Jesusax yatiqirinakaparuw säna: —Quta khurkatar makhatañäni —sasa.

Lucas 12:28

Diosatix ukham qurarux isthapiychixa, jichhürux pampankaski, qharürusti phichhantatarakïni ukasti, ukampis ¡jumanakarux juk'amp sum isthapiyapxätam pisi iyawsañan jaqinaka!

Lucas 8:24

Ukat Jesusarux sartayapxäna: —¡Yatichiri! ¡Yatichiri! ¡Botew jalantirjama! —sasa. Jesusasti sartasin mathapinakampiru, thayampiruw tuqinuqäna, ukatsti t'akurawayxänwa.

Lucas 8:26

Ukatsti jupanakax Gerasa chiqaruw puripxäna, ukasti quta khurkatankiwa, Galilea uñkatasina.

Juan 11:40

Ukampis Jesusax saskakïnwa: —¿Janit nayasti sisksma, jumatix iyawsäta ukax, Diosan jach'a ch'amap uñjäta sasasti?