Lucas 8:15 - Qullan Arunaka DC

¹⁵ Suma laq'ar purir jathasti, khitinakatix taqi chuymamp Diosan arup ist'apki, ukarjam sarnaqapki jupanakawa, taqi ch'amamp sayt'apxatapat suma achunak churapxi.

Aymar Bibliia 1986

¹⁵ Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Qullan Arunaca

¹⁵ Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Lucas 8:15 Jak'a apnaqawi uñst'ayäwi

Salmos 119:11

Chuymaxaruw arunakam imta, juma nayraqatan juch jan lurañataki;

Salmos 51:10

10 (12) Dios Tatay, ¡q'uma chuymay churita!, ¡machaq aski ajayuy churita!

Proverbios 3:1

Munat wawaxay, janiy yatichäwinakaxat armasimti; kamachi arsutanakax chuymamarupun imam,

Jeremías 15:16

Jumax nayar parlxaykista ukapachaxa, arunakam nayax manq'jam manq'antäyäta; uka arunakamaw chuymaxarux kusisiyarakïna, taqi ch'amani Dios Tatitu, nayax juman wawamätwa.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Mateo 24:13

Ukampis khititix tukuykam sayt'kani ukakiw qhispiyatäni.

Lucas 11:28

Jupasti sänwa: —¡Khitinakatix Diosan arunakap ist'apki, jaysapkaraki ukanakax juk'amp kusisiñaniwa! —sasa.

Lucas 6:45

Suma jaqix sumanak arsu, suma chuymanïtap layku, qhuru jaqisti jan walinak arsuraki, jan wali chuymanïtap layku. Ukhamasti kunatix chuymapan phuqt'atäki ukat parli.

Lucas 8:14

Ch'aphinak taypir purir jathasti, khitinakatix aru ist'apki jupanakawa, ukampis juk'at juk'at kunayman llakisiñanakampi, qamir kankañampi, akapach kusist'añanakampiw atipjayasipxi, ukhamat achu jan churapkiti.

Lucas 8:16

“Janiw khitis mä micha qhantayasax phukhumpi k'umpxatkiti, janirakiw ikiñ manqharus uchkiti, jan ukasti alay chiqaruw uchi utar mantanirinakar qhant'añapataki.

Juan 14:15

“Jumanakatix munapxchistaxa, kamachinakax phuqhapxam.

Juan 15:10

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

Romanos 6:22

Jichhasti, juchan t'aqhisiyatat antutatäxasaxa, Diosatak irnaqiriw tukxapxtaxa. Ukapï jumanakatak askixa, tukuyapasti q'uma jakañawa wiñay jakañarakiwa.

Romanos 7:18

Nayasti yattwa, nayan janchi kankañaxan janiw kuna askis utjkiti; ukampis aski lurañ munkasas janiw lurirjamäkti.

Romanos 7:4

Munat jilatanaka, ukhamarakiw jumanakax Cristonkxasax jupamp chikaw kamachitakix jiwatäxapxta, khititix jiwatanak taypit jakatatawayki jupampi mayakïxañataki. Ukhamat jiwasanakax suma luräwinak Diosatak lursna.

Romanos 8:25

Ukampis kuntix suyapktan uktix janïr uñjapkstanxa, llamp'u chuymampiw suyt'apxañasa.

1 Corintios 7:19

Circuncisión katuqañas jan katuqañas janiw kunäkisa, jan ukasti Diosan arunakapar jaysañaw askixa.

Efesios 2:8

Diosan munasiñapat jumanakax, iyawsañ tuqi qhispiyasiñ katuqapxtaxa. Aksti janiw jumanak pachpat jikxatapktati, jan ukasti Diosan churäwipawa.

Deuteronomio 30:6

Tatituw jumanakan chuymanakamampiru, saraqirinakaman chuymapampir uka suma arust'äwin chimpup uchapxätam, juparu taqi chuymamampi, taqi jakañamampi munasiñamataki, ukhamat walja maranak jakapxañamataki.

Filipenses 1:11

Jesucriston yanapapampix askinakpun lurapxäta, ukhamat mayninakan Diosar yupaychas jach'añchapxañapataki.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

Colosenses 1:6

ukasti jumanak taypinkiwa. Diosan aka arunakapasti taqi chiqan yatiyasiski, aski luräwinak jikxatasa, uka kipkarakiw jumanak taypin lurasïna kunapachatix Diosan munasiñapat ist'apkäyäta, uka munasiñapan chiqätap yatipkarakïyät ukkhaxa.

Hebreos 10:36

Jumanakasti t'aqhisiñan ch'amanïñanakamaw wakisi, Diosan munañap lurañataki, ukhamarak kuntix arsuwaykän uk katuqañataki.

Hebreos 2:1

Jiwasanakax uka yatiyäwi ist'asax wali amuyumpi jaysañasaw wakisi, ukhamat thakhit jan maysar saranukuñasataki.

Santiago 1:4

Ukampis uka ch'amañchäwix aski lurañaru, phuqhat jiltañar puriypan, ukat jan kunas pist'añapataki.

1 Juan 2:3

Diosan kamachinakaptix phuqhañän ukkhaxa, jupar uñt'atas yatisipxtan.