Lucas 8:13 - Qullan Arunaka DC

¹³ Qala taypir purir jathasti, khitinakatix Diosan arup ist'apki, kusisiñamp katuqapki jupanakawa, ukampis janiw wali saphintatäpkiti, mä qawqha urunakatakikiw iyawsapxi, yant'anak sartipansti qhiparuw kutt'awayxapxi.

Aymar Bibliia 1986

¹³ Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Qullan Arunaca

¹³ Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Lucas 8:13 Jak'a apnaqawi uñst'ayäwi

Job 19:28

Parlatanakam ist'asaxa, ch'amaxax thayjtawayituwa. Jumanakax nayar arknaqañak amtasipktaxa, nayax juchanïkirista ukham amuyapxaraktaxa;

Proverbios 12:12

Jan wali amtañanakax ñanqha jaqinakan sipitapawa; aski jaqinakan luratanakapasti wiñayatakiwa.

Proverbios 12:3

Jan wali lurañax janiw khititakis suma qalltäkiti, aski jaqinakasti aski luratapampix sumaw sayt'ani.

Isaías 58:2

Sapüruw thaqapxitu, sarnaqäwinakax jikxatasasti k'uchikïpxiwa, mä suma askinak lurir markäpkaspas ukhama, kamachinakaxsa sumsa phuqhapkaspa ukhama; chiqa kamachinak mayipxitu, nayar jak'achasisinsti k'uchikïpxarakiwa,

Ezequiel 33:32

Jupanakasti jumax munasiñ q'uchunak q'uchurïkasmas ukhamak amuyapxtamxa, suma q'ucht'irïkasmasa, arpsa sum toct'kasma ukhama. Arunakam ist'apxiwa, ukampis janiw uka arunakarjam sarnaqapkiti.

Oseas 6:4

Tatitux siwa: “Israelita jaqinaka, ¿kunsa jumanakampix luräxa? Judá uranqir jaqinaka, ¿kunsa jumanakampix luräxa? Jumanakan munasiñamax nayatakix qhantati urpur uñtatakiwa, qhantati sullar uñtatakiwa, mäkirakiw chhaqtawayxi.

Marcos 6:20

Herodesasti Juanan aski jaqïtap yatïna, ukat juparux axsaräna, arxatarakïna. Kuntix Juanax parlkän ukanak Herodesax janiw sum amuykänti, ukampis taqi chuymampiw ist'äna.

Lucas 8:12

thakhir purki uka jathasti, khitinakatix Diosan arup ist'apki jupanakawa, ukat supayax jutasin uka arunak chuymapat apsuwayxi, ukhamat jan iyawsapxañapataki, jan qhispiyasipxañapatakiraki.

Lucas 8:14

Ch'aphinak taypir purir jathasti, khitinakatix aru ist'apki jupanakawa, ukampis juk'at juk'at kunayman llakisiñanakampi, qamir kankañampi, akapach kusist'añanakampiw atipjayasipxi, ukhamat achu jan churapkiti.

Juan 15:2

Layminakaxat maynitix achu jan churkanixa, Awkixax khuchhunukuniwa; ukampis achu churir layminakarusti, juk'amp achuñapatakiw q'umachani.

Juan 15:6

Khititix jan nayampïkan ukax, anqar jaqunukutäniwa, ukatsti kamisatix waña layminakax ninar phichhantatäñatak apthapitax ukhamäniwa.

Juan 5:35

Bautisir Juanan yatichäwipax mä qhanjamaw qhanäna, jumanakasti uka qhanapan mä juk'a pachakiw kusisiñ munapxäyätaxa.

1 Corintios 13:2

Jutir urut yatiyañatix utjitaspa, Diosan imantat amtäwiptix amuyt'irista, taqi kun yatirista, qullunak unxtayañatakis iyawsañanïrista, ukat janitix munasiñax utjkitaspaxa, janiw nayax kunäkiristsa.

1 Corintios 15:2

Aka suma yatiyäwi arunak tuqirakiw qhispitäpxäta, uka arunakarjam sayt'apkäta ukapacha, kunjämtix nayax jumanakar yatiyapksma ukarjama; jan ukhamäkani ukasti, iyawsatamax inamayakïniwa.

Gálatas 3:1

¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka.

Gálatas 3:4

¿Ukataq t'aqhisitanakamax inamayakïxiti? ¡Janiw ukax inamayatakïkaspati!

Efesios 3:17

Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.

Hebreos 10:39

Jiwasanakasti janiw qhipar kutt'irinakäpktanti, janirakiw juchañchäwir saririnakäpktansa, jan ukasti, iyawsas qhispiyasiñ jikxatirinakäpxtanwa.

Santiago 2:26

Kamisatix jan ajayun janchix jiwataxa, ukhamarakiw jan luräwini iyawsäwix jiwata.

2 Pedro 2:20

Khitinakatix Tatit Jesucristo Qhispiyirisar uñt'asin uka jan wali luräwinakat jaltxapxi, uka qhipatsti juchar kutt'asina jucha lurañanakampi atipjayasipkaraki ukanakax, nayra jakañanakapat sipansa juk'ampi jan walïxapxiwa.

2 Pedro 2:22

Ukampis mä säwiw jupanakampix phuqhasiski, ukasti siwa: “Anux waq'aqsutaparuw kutxatasxi, jichha jariqat khuchhisti wasitat ñiq'ir sunt'intxaraki” sasa.

1 Juan 2:19

Jupanakax jiwasanak taypit mistuwayapxi; ukampis janiw jiwasampïkänti; jiwasampïsäpan ukasti, jiwasampi chikäskasapänwa. Ukampis ukhamaw lurasiwayi, ukhamat taqpachan jan jiwasankirïtap qhanar mistuñapataki.

Judas 1:12

Kunapachatix jumanakax munasiñat mä suma phunchhäwi lurapkta ukkhax jupanakax mä p'inqäpxiwa, ukan jupanakax kusisiñat jan axsartas manq'apxi, umapxaraki. Awatirinakjamasti jupanakpachakiw awatisipxi. Thayan apat jan uman qinayjamäpxiwa. Achu jan churir quqanakjamäpxiwa, saphitpach jik'inukut q'ala jiwatäpxiwa.