Lucas 7:46 - Qullan Arunaka DC

⁴⁶ Jumax janiw kuna qullampis p'iqixat warxat'kistati, ukampis aka warmix suma q'apkir qullampiw kayunakaxar warxati.

Aymar Bibliia 1986

⁴⁶ Jumajj janiw aceitempis p'ekejjatjja warjjat'quistati, ucampis aca warmejj suma k'apquir aceitempiw cayunacajjarojj warjjatt'itu.

Qullan Arunaca

⁴⁶ Jumajj janiw aceitempis p'ekejjatjja warjjat'quistati, ucampis aca warmejj suma k'apquir aceitempiw cayunacajjarojj warjjatt'itu.

Lucas 7:46 Jak'a apnaqawi uñst'ayäwi

2 Samuel 12:20

Ukspachaw Davidax uraqit sartäna, jariqasisinsti, suma q'apkir qullampiw jawsusïna, yaqha isimpiw uchasirakïna. Ukatsti Tatitun utapar mantasin jupat mayisïna. Utapar kuttasinsti manq'a mayïna ukat manq'arakïna.

2 Samuel 14:2

ukhamasti, Tecoa markat mä sallqjir warmi irptayanïna. Ukat jupar sarakïna: “Jumax wali llakt'atäkasmas ukhamaw tuküta, llaki isimpi uchasim; janiw kuna q'apkir qullanaksa uskusïtati, walja urunak ukham llakit sarnaqkasma, wawamas jiwkaspa ukhamaw tuküta.

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Salmos 23:5

Uñisirinakaxan uñjkañaw manq'añ wakicharapista; kusisiñampiw phuqhantista, wali sumpun uñjarakista.

Eclesiastés 9:8

Janq'u isimpipun isthapisim; p'iqimarus q'apkir qullanakampipun uchasim.

Daniel (hebreo) 10:3

Uka urunakansti janiw nayax suma manq'anak manq'käyätti, aychsa, vinsa mallt'karakïyätti, janirakiw kuna suma q'apkir qullanakampis uchaskäyätti.

Amós 6:6

jach'a tilinkinakat vino umapxtaxa, suma q'apkir qullanakampiw jawsusipxtaxa, ¡ukampis markan t'unjäwipat janiw akch'sa llakt'asipktati!

Miqueas 6:15

Yapuchaskätawa, ukampis janiw apthapkätati; aceitunanaksa ch'irwsuskätawa, ukampis janiw aceite apskätati; uvanaksa taksuskätawa, ukampis janirakiw vinop umkätati.

Mateo 6:17

Kunapachatix jumax ayunkät ukkhax, ajanum jariqasim, ñik'utamsa sum askicht'asim,

Lucas 7:47

Ukat nayax sisma, walja juchanakapat pampachatäsin nayarux wal munasitu; ukampis khititix juk'ak pampachatäki ukax juk'akirak munasiñap uñacht'ayi —sasa.

Rut 3:3

Jichhasti akham luram: Jariqt'asim, suma q'apkir qullanakamp jawirt'asim, sumïr isimamp isthapt'asirakim, ukatsti, kawkhantix Booz chachax cebada khuysuski uka chiqar saram. Ukampis Booz chachampix janiw uñt'ayasïtati janïr manq'aña, umaña tukuykipanxa.