Lucas 7:41 - Qullan Arunaka DC

⁴¹ Jesusasti sänwa: —Pani jaqiw mä qullqi mayt'ir jaqir manüpxäna. Maynix phisqa patak qullqi mayt'asitayna, maynïristi phisqa tunka mayt'asirakitayna;

Aymar Bibliia 1986

⁴¹ Jesusasti sänwa: —Pani jakew mä kollke mayt'ir jaker manüpjjäna. Maynejj pheska patac denario kollke mayt'asitayna, maynïristi pheska tuncaraqui.

Qullan Arunaca

⁴¹ Jesusasti sänwa: —Pani jakew mä kollke mayt'ir jaker manüpjjäna. Maynejj pheska patac denario kollke mayt'asitayna, maynïristi pheska tuncaraqui.

Lucas 7:41 Jak'a apnaqawi uñst'ayäwi

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Jeremías 3:11

Tatitusti sarakituwa: “Nayar saykatir Israelax, ukham jan wal lurir Judá markat sipan juk'a juchanikiwa.

Números 27:3

—Nanakan awkixax wasaran jiwxi, jupasti janiw Tatitutak sayt'asir Coré chachan tamapankirïkänti. Jupax pachpa juchap laykuw jiwaski, janirakiw yuqall wawanak jaytawaykiti.

Mateo 18:28

“Reyin utapat mistuwayasinsti, manut pampachayasir jaqix, patak qullqi manükatayna uka irnaqir masipampiw jikisïna. Juparusti kunkat katuntasin niya jaychkatirjamaw säna: ‘¡Manüktas uk churxita!’ sasa.

Mateo 6:12

Juchanakaxat pampachapxita, kamisatix nanakax jan wal lurapkitu ukanakarux pampachapkta ukhama.

Marcos 6:37

Jesusasti jupanakarux sänwa: —Jumanakay manq'añ churapxamxa —sasa. Yatiqirinakapasti ukxarux sapxänwa: —Janiw taqpach jaqitak t'ant'a alanipkiristti. Ukatakix mä mara irnaqatat paylläwiw munasispa —sasa.

Lucas 11:4

Juchanakaxat pampachapxita, kunjämatix nanakax jan wali lurapkitus ukanakar pampachapkta ukhama. Janirak yant'äwir puriyapxistati’ —sasa.

Lucas 12:48

Ukampis jan yatir uywatatix jan walinak lurchi ukaxa, juk'a mutuyäwik katuqani. Khitirutix walja churatäki ukarux waljarakiw mayitäni; khitirutix walja katuyatäki ukarusti, juk'ampirakiw mayitäni.

Lucas 13:4

Jan ukax, ¿khaya tunka kimsaqallqunix Siloé torremp tinkxatat jiwarapkän ukanakax Jerusalenankirinakat sipan juk'amp juchanïpxatapcha amuyapxta?

Lucas 7:40

Ukat Jesusax fariseo jaqirux säna: —Simón, may sañaxaw jumar utjitu —sasa. —Fariseo jaqisti sarakïnwa: —Yatichiri, saskakita —sasa.

Lucas 7:47

Ukat nayax sisma, walja juchanakapat pampachatäsin nayarux wal munasitu; ukampis khititix juk'ak pampachatäki ukax juk'akirak munasiñap uñacht'ayi —sasa.

Romanos 3:23

taqiniw juch lurapxi, ukat Diosan qhapaq kankañapat jayan uñjasipxi.

Romanos 5:20

Kamachisti, juchan juk'amp ch'amanïñapatakiw uñstäna; ukampis kunapachatix juchax juk'amp uñstxän ukkhasti, Diosax khuyapayasiñapan juk'ampirakïnwa.