Lucas 7:28 - Qullan Arunaka DC

²⁸ Nayasti sapxsmawa, taqi jaqinak taypin Bautisir Juanat sipan juk'amp jach'a profetax janiw utjkiti; ukampis, Diosan qhapaq markapan juk'amp jisk'äki ukax jupat sipan juk'amp aytatawa” sasa.

Aymar Bibliia 1986

²⁸ Sapjjsmawa, take jakenac taypinjja janiw utjquiti Bautisir Juanat sipan juc'amp jach'a profetajja; ucampis, Diosan reinopan juc'amp jisc'äqui ucajj jupat sipans juc'amp jach'awa —sasa.

Qullan Arunaca

²⁸ Sapjjsmawa, take jakenac taypinjja janiw utjquiti Bautisir Juanat sipan juc'amp jach'a profetajja; ucampis, Diosan reinopan juc'amp jisc'äqui ucajj jupat sipans juc'amp jach'awa —sasa.

Lucas 7:28 Jak'a apnaqawi uñst'ayäwi

Mateo 11:11

Qhanak sapxsma, jaqinak taypinxa, janiw maynis Juanat sipan juk'amp jilankirix utjkiti; ukampisa Diosan qhapaq markapan jisk'äki ukax, Juanat sipan jilankiwa.

Mateo 3:1

Mä qawqha maranakatsti, Bautisir Juanax Judea wasararuw Diosan arunakap parlir misttanïna.

Lucas 3:16

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Lucas 7:27

Khitittix Qillqatan siski ukax Bautisir Juanawa: ‘Nayax yatiyirixaruw juman nayraqatamar khithanta, jumatak thakhi wakichañapataki’.

Lucas 7:29

“Bautisir Juanar ist'irinakasa, Roma markatak qullqi apthapirinakas Juanampiw bautisayasipxäna, kuntix Diosax siskatayna uk phuqhañataki;

Lucas 9:48

jupanakarusti sarakïnwa: —Khititix aka wawar sutixar katuqki ukax nayaruw katuqitu; khititix nayar katuqkitu ukasti khithankitu ukaruw katuqaraki. Ukhamasti khititix jumanak taypin juk'amp jisk'äki ukaw jach'ar tukuyatäni —sasa.