Lucas 7:25 - Qullan Arunaka DC

²⁵ Jan ukax, ¿kun uñjirich sarapxta? ¿Mä suma isimp isthapit jaqir uñjiriti? Jumanakax sum yatipxta, suma isimp isthapisirinaka, kusisiñanakan jakirinakax reyinakan utapankapxiwa.

Aymar Bibliia 1986

²⁵ Jan ucajj, ¿cun uñjirich sarapjjta? ¿Mä suma isimp ist'at jakerucha? Jumanacajj yatipjjtawa, suma isimp ist'asirinaca uqhamarac cusisiñanacana jaquirinacajj reyinacan utapancapjjewa.

Qullan Arunaca

²⁵ Jan ucajj, ¿cun uñjirich sarapjjta? ¿Mä suma isimp ist'at jakerucha? Jumanacajj yatipjjtawa, suma isimp ist'asirinaca uqhamarac cusisiñanacana jaquirinacajj reyinacan utapancapjjewa.

Lucas 7:25 Jak'a apnaqawi uñst'ayäwi

2 Samuel 19:35

35 (36) nayax kimsaqallq tunka maranïxtwa, manq'asa, umasa, nayatakix janiw sumäkxiti, jayuk'arati ch'aphaqacha uksa janiw amuyirjamäkxti, janirakiw chacha q'uchurinakan arupsa, warmi q'uchurinakan arupsa sum ist'kxtti. ¿Kunarurak reyitaki mä llaki ukar sarästi?

1 Reyes 10:5

manq'añapar wali suma manq'añanak uchapxatapa, yanapirinakapan qunuñanakap uñjasinsa, uywatanakapana, coperonakapan isinakap uñjasinsa, Tatitun utapan waxt'äwinak luqtatap uñjasinsa, walpun muspharäna,

2 Reyes 1:8

Jupanakasti ukxaruw sapxäna: —Uka chachax t'awrarar isinïnwa, lip'ichit lurat wak'ampi wakt'atänwa —sasa. Reyisti jach'at arsüna: —¡Tisbé chiqankir Eliasarakisä! —sasa.

Ester (hebreo) 1:11

kankañ pillump ucht'at Vasti reinar irptanipxañapataki, ukhamat markampi, jach'a jilïr jaqinakampix suma uñnaqt'anïtapat muspharapxañapataki.

Ester (hebreo) 1:3

Asuero reyix marka apnaqäwip kimsa mara phuqkasaxa, mä jach'a phunchhäwi luräna, taqpach irnaqirinakapampitaki, jilïr yanapirinakapampitaki, ukatsti Persankiri, medonkir ejercitonakan jilïrinakaparuw jawsayäna, suyunakan jilïr mallkunakaparux jawsayarakïnwa.

Ester (hebreo) 4:2

Ukhampachaw reyin utap punkurux purïna. Ukampis chhankha isimp isthapitax janiw reyin utapar mantañax wakiskänti.

Ester (hebreo) 5:1

Kimsa urutsti Esterax reina kankañ isipamp isthapt'ataw reyin utapar mantäna. Ukatsti, reyin punku uñkatasi qunuñapan qunt'atäkäna uka nayraqataruw sayt'asïna.

Ester (hebreo) 8:15

Mardoqueosti reyin utapatxa, laramampita janq'umpit isimpi isthapitaw mistunïna, mä quri pillumpi asxatata, linot lurat wila chupika isimp janxatt'ataraki. Susa markankir jaqinakasti walpun kusisipxäna,

Isaías 59:17

Atipjañampisti mä jark'aqasiñampjamaw isthapisi, qhispiyasiñampix p'iqipar mä cascompjamaw asxatasi, phuqsusiñampisti mä isimpjamaw isthapisi, phiñasiñapampisti mä jach'a isimpjamaw llawuntasi.

Mateo 11:8

Jan ukax ¿kun uñjirich sarapxtaxa? ¿Mä suma isin isintat jaqir uñjiriti? Jumanakax yatipxtawa, suma isin jaqinakax reyinakan utapankiwa.

Mateo 3:4

Juanan isipasti camello t'awrat luratänwa, lip'ichit lurat wak'ampiw wak'asirïna; jupax t'iju t'ijunakampi, wasaran utjir misk'impi manq'irïna.

Mateo 6:29

Nayasti sapxsmawa, janiw Salomón reyis walja utjirinïtap laykux uka panqaranakjam isthapiskänti.

Lucas 16:19

“Mä qamir jaqiw utjäna, ukasti wali suma lliphipkir isimpiw isthapisirïna, sapürurakiw jach'a manq'añanak wakichayirïna.

Lucas 7:24

Juanan khithanakap sarxipansti, Jesusax jaqinakaruw Juanat parlañ qalltäna, akham sasa: “¿Kun uñjiris jumanakax wasarar sarapxta? ¿Thayan unuqiyat mä suqusar uñjiriti?

Lucas 7:26

Ukhamasti, ¿kun uñjiripunirak sarapxtasti? ¿Mä profetar uñjiriti? Jïsa, chiqapunïskiwa, jupasti mä profetat sipan juk'ampiwa.