Lucas 7:2 - Qullan Arunaka DC

² Uka markansti romano ejercitonkir capitanaw uywatapamp jakäna, juparusti wal munasïna. Uka uywatasti niya jiwirpach wali usuntatänwa.

Aymar Bibliia 1986

² Ucansti mä romano capitanaw utjäna mä uywatani, juparusti wal munasïna. Uca uywatasti usuntata niya jiwirjamäscänwa.

Qullan Arunaca

² Ucansti mä romano capitanaw utjäna mä uywatani, juparusti wal munasïna. Uca uywatasti usuntata niya jiwirjamäscänwa.

Lucas 7:2 Jak'a apnaqawi uñst'ayäwi

Génesis 24:27

sarakïnwa: “¡Abraham uywirixan Tatit Diosapax jach'añchatäpan, jupax Abraham uywirixar munasiñapsa khuyapayasiñapsa uñacht'ayapuniwa, nayarusti juparakiw thakhin irpasinkitu, uywirixan wila masinakapan utapkama!” sasa.

Génesis 35:8

Uka chiqanarak Rebecar uñjir Débora sat warmix jiwxäna, juparusti encina sat mä quqa k'uchuruw Betel jak'an imxapxäna. Jacobusti uka chiqarux “Jachañ quqa” sutimpiw uchäna.

Job 31:5

Nayax juramentompiw arsta, janipuniw khitirus ñanqha amtañamp kuns lurkti, janiw khitirus sallqjañ amtkaraktti.

Proverbios 29:21

Uywataparu wawatpach sinti q'ayachir jaqix, qhiparuw amtasini.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Lucas 23:47

Kunapachatix Romankir capitanax ukham uñjkän ukkhaxa, Diosaruw yupaychäna: —Chiqapuniw aka jaqix jan juchanïkataynati —sasa.

Lucas 7:1

Jesusasti jaqinakar yatichañ tukuyxasinxa, Cafarnaúm markaruw sarxäna.

Lucas 7:3

Kunapachatix capitanax Jesusxat parlir ist'kän ukkhasti, judionakan jilïriparuw Jesusar achikt'ir khithäna uywatapar k'umaraptayir jutañapataki.

Lucas 8:42

jupasti mä sapa imill wawanikïnwa, niya tunka payan marani, uka imill wawasti jiwañampïskänwa. Thakhinjam sarkipansti, jupar arkir walja jaqinakaw Jesusarux ñiqjapxäna.

Hechos 10:1

Cesarea markan mä jaqiw utjäna, Cornelio sutini. Jupax Italiano sata soldado taman jilïripänwa.

Hechos 10:7

Cornelior parlkatayna uka angelan sarxatapatsti, jupax uywatanakapat paniniruw jawsi, mayni soldadompiru, uka soldadosti Dios chuymänwa, Cornelionsa wali munatarakïnwa.

Hechos 22:26

Uk ist'asinsti capitanax soldadonakan jilïripar yatiyiriw saräna, juparusti sänwa: —¿Kamachätasa? ¡Uka jaqix romano jaqïtaynawa! —sasa.

Hechos 23:17

Pablosti mayni capitanaruw jawsäna, ukat sarakïna: —Aka yuqall wawar jilïrin ukar irparapita. May yatiyañ muni —sasa.

Hechos 27:1

Italia markar nanak khithañatak amtapkän ukapachasti, Pablompiru yaqha katuntatanakampirux, Julio sat romano capitanaruw katuyapxäna. Uka capitanasti marka apnaqir jilïrin soldado tamapankirïnwa.

Hechos 27:3

Qhipürusti Sidón sat puertoruw puripxta. Julio capitanax Pablor suma chuymampiw uñjäna, jilat masinakapar tumpt'iris sarayänwa, jupanakat kuna yanap mayisirisa.

Hechos 27:43

Ukampis soldadonakan capitanapax Pablor qhispiyañ munasin, soldadonakaparuw katuntatanakar jiwarayañ jark'äna. Sarakïnwa: “Uma patan tuyuñ yatirinakax nayraqat umar thuqhuntapxam wañar mistxañataki,

Colosenses 3:22

Uywatanaka, uywirinakamar aka uraqin taqi kunan ist'apxapunim, janiy sumat uñt'ayasiñatakik lurapxamti, janirak jupanakan uñjkañak kunsa lurapxamti, jan ukasti, Tatitur axsartas qhana chuymampi lurapxam.