Lucas 6:49 - Qullan Arunaka DC

⁴⁹ Ukampis khititix ist'kitu, ukatsti janirak kuntix siskta uk lurki ukax, ch'alla patar utachasir jaqimpi sasiwa; ukarusti jawirax wal sartanisin uka utar jaqkatti, ukat uka utarux tinkuyi, ukhamat q'al t'unjasiwayi”.

Aymar Bibliia 1986

⁴⁹ Ucampis qhititï ist'quitu, ucatsti janirac cuntï siscta ucjja lurquiti, ucajj lak'a patar jan suma cimientoni utachasir jakemp sasiwa. Ucarusti jawirajj wal sartanisina uca utaruw jakcatti, ucat uca utjja tincuyi, uqhamatwa k'al t'unjasiwayi.

Qullan Arunaca

⁴⁹ Ucampis qhititï ist'quitu, ucatsti janirac cuntï siscta ucjja lurquiti, ucajj lak'a patar jan suma cimientoni utachasir jakemp sasiwa. Ucarusti jawirajj wal sartanisina uca utaruw jakcatti, ucat uca utjja tincuyi, uqhamatwa k'al t'unjasiwayi.”

Lucas 6:49 Jak'a apnaqawi uñst'ayäwi

Proverbios 28:18

Chiqa aski jaqix qhispitaw uñjasini, jan wali jaqisti aynacht'añaruw purini.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Oseas 4:14

Ukampis janiw phuchhanakamarusa, yuxch'anakamarus wachuqa juchanak luratanakapat mutuykäti, jumanakpachaw jan wali warminakampix wachuqa juchanak lurapxtaxa; wilañchanak luqtañatakis jan wali warminakampiw mayachasipxtaxa, uka warminakan ukham luratanakapax diosanakapar yupaychäwïkaspas ukhamawa. ¡Ukatpï mä markax jan amuyt'asitapat aynacht'awayixa!

Mateo 23:3

Ukhamasti, jumanakax jupanakar jaysapxam, kuntix sapktam taqi ukanak lurapxam; ukampis jupanakjam jan lurapxamti, jupanakasti may arsupxi ukatsti yaqharak lurapxi.

Mateo 24:10

Uka urunakansti waljaniw nayar iyawsatanakap chhaqtayasipxani, purapat uñisisipxani, purapat aljantasipxani.

Marcos 4:17

ukampis jan suma saphintatätap laykux jan ch'amaniw sayt'asipxi; kunapachatix Diosan arunakap layku t'aqhisipki, jan ukax jaqinakan uñisitas uñjasipki ukkhax, ukspachaw kutiqtawayapxi.

Lucas 12:47

“Mä uywatatix uywiripan munañap yatkasin jan wakiyaskani, janirak uywiripan munañaparjam lurkanixa, uka uywatax mutuyäwi katuqani.

Lucas 19:14

Ukampis markapankir jaqinakax juparux uñisïnwa, ukat jupan qhipapat khithanak khithapxäna markan jilïripar sapxañapataki: ‘Janiw nanakax aka jaqin nanakan reyïñap munapkti’ sasa.

Lucas 19:27

Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.

Lucas 6:46

“¿Kunatarak jumanakasti: ‘Tatay, Tatay’ sapxista, ukat janirak kuntix sapksma uk lurapktasti?

Lucas 6:48

manqha allsusin mä qarqa patxar utacht'asir jaqimp sasiwa. Kunapachatix may jawirax wal sartanki ukkhaxa, umax ch'amampiw uka utarux jaqkatti, ukatsti janirakiw unxtaykiti qarqxankatap layku.

Lucas 7:1

Jesusasti jaqinakar yatichañ tukuyxasinxa, Cafarnaúm markaruw sarxäna.

Juan 15:2

Layminakaxat maynitix achu jan churkanixa, Awkixax khuchhunukuniwa; ukampis achu churir layminakarusti, juk'amp achuñapatakiw q'umachani.

Hechos 20:29

Nay sarxä uka qhipatsti, yaqhanakaw jutapxani, jupanakasti qamaqinakar uñtataw iglesia t'unjañ munapxani.

Hechos 26:11

Walja kutirakiw nayax jupanakar jawq'jayta, munkir jan munkir Tatitur iyawsañat kutiqtapxañapataki. Aksti taqi sinagoganakan lurirïyäta. Walpun jupanakarux uñisïyäta, ukat yaqha markanakarus katurir sarirïyäta.

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.

2 Pedro 2:20

Khitinakatix Tatit Jesucristo Qhispiyirisar uñt'asin uka jan wali luräwinakat jaltxapxi, uka qhipatsti juchar kutt'asina jucha lurañanakampi atipjayasipkaraki ukanakax, nayra jakañanakapat sipansa juk'ampi jan walïxapxiwa.

1 Juan 2:19

Jupanakax jiwasanak taypit mistuwayapxi; ukampis janiw jiwasampïkänti; jiwasampïsäpan ukasti, jiwasampi chikäskasapänwa. Ukampis ukhamaw lurasiwayi, ukhamat taqpachan jan jiwasankirïtap qhanar mistuñapataki.