Lucas 5:32 - Qullan Arunaka DC

³² Janiw nayax aski jaqinak jawsir jutkti, jan ukasti juchan jaqinak jawsiriw jutta, jupanakan juchanakapat Diosar kutikipstañapataki —sasa.

Aymar Bibliia 1986

³² Janiw asqui jakenacar jawsir jutcti, jan ucasti juchararanacar jawsiriw jutta, jupanacajj juchanacapat arrepientisipjjañapataqui —sasa.

Qullan Arunaca

³² Janiw asqui jakenacar jawsir jutcti, jan ucasti juchararanacar jawsiriw jutta, jupanacajj juchanacapat arrepientisipjjañapataqui —sasa.

Lucas 5:32 Jak'a apnaqawi uñst'ayäwi

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Mateo 18:10

“Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Mateo 9:13

Sarapxam, ukatsti kuntix aka arsüwix sañ munki uk amuyt'anipxam: ‘Nayax jumanakan khuyapt'ayasirïpxañam munta, janiw luqtanak munkti’. Janiw aski jaqinakar jawsir jutkti, jan ukasti juchararanakar jawsiriw jutta —sasa.

Marcos 15:10

Jupax yatïnwa jilïr sacerdotenakan Jesusar uñisiñat katuyapxatapa.

Marcos 15:7

Mä jaqiw utjäna, Barrabás sutini, jupasti masinakapamp chikaw carcelan jist'antataskäna. Jupanakasti mä kutix jilïrinakatak sayt'asisaw jaqinak jiwarayapxäna.

Marcos 2:17

Jesusasti uk ist'asin jupanakaruw säna: —K'umaranakatakix janiw qullirix munaskiti, jan ukasti usutanakatakiw munasixa. Nayax janiw aski jaqinakar jawsir jutkti, jan ukasti, juchararanakar jawsiriw jutta —sasa.

Lucas 15:10

Nayasti sapxsmawa: Diosan angelanakap taypin ukhamarakiw kusisiñax utjani, mä juchararan kutikipstanitapata.”

Lucas 15:7

Nayasti sapxsmawa: alaxpachan uka kipkaw juk'amp kusisiñax utji, mä juchararan kutikipstatapatxa, llätunk tunka llätunkan aski jaqinakan jan kunat kutikipstañapas utjki ukanakat sipana.

Lucas 19:10

Jaqin Yuqapax kunatix chhaqhatäkän uk thaqhiri, qhispiyirirakiw juti —sasa.

Lucas 24:47

ukatsti taqi markanakan jupxat parlasini, ukhamat taqinis Diosar kutikipstaniñapataki, juchanakapas pampachatäñapataki. Jumanakasti Jerusalenat qalltasina,

Lucas 5:31

Jesusasti jupanakarux sänwa: —K'umar jaqinakax janiw qullir munapkiti, jan ukasti, usutanakaw qullir munapxi.

Lucas 5:33

Jupanakasti Jesusaruw sapxäna: —Bautisir Juanan arkirinakapampi, fariseonakan arkirinakapampix wal ayunapxi, Tatiturus wal mayisipxaraki, ukampis yatiqirinakamax manq'asipki umasipki ukhamakïsipkarakisä —sasa.

Hechos 17:30

Diosax nayra pachanakan jakir jaqinakan pisi amuyump jakatanakap janiw yäqkänti, jichhasti Diosax taqiniruw taqi tuqin yatiyi, jan wali sarnaqäwinak apanukusin juparuk jaysapxañapataki.

Hechos 2:38

Pedrosti ukxaruw jupanakar säna: —Tatitur kutikipstapxam, Jesucriston sutipar sapa mayni bautismo katuqapxam, Diosan juchanakamat pampachañapataki, ukhamat jupax Qullan Ajayu churapxätam.

Hechos 20:21

Judionakarusa jan judionakarus sapxsmawa: ‘Diosar kutikipstapxam, Tatit Jesucristosar iyawsapxarakim’ sasa.

Hechos 3:19

Ukhamasti jan wali lurañanak apanukusin kutikipstapxam, Diosar makhatapxam juchanakam pampachañapataki,

Hechos 3:26

Diosax Yuqapar jiwatat jaktayasinxa, jumanakaruw nayraqat khithanipxtam, aski waxt'äwinak jumanakar churiri, ukhamat sapaqat mayni jan wali luräwinakam apanukupxañamataki.”

Hechos 5:31

Diosaw jach'ar apti, reyi qunuñapan kupïxaparuw qunt'ayasi, jach'a munañan Jilïr Qhispiyirirak tukuyi, Israel markan Diosar kutikipstañapataki, juchanakapat pampachäwi katuqañapatakiraki.

2 Pedro 3:9

Tatitux janiw arunakapar phuqhañ armt'askiti, kunjämtix mayninakax jan phuqhasitap amuyapki ukhama, jan ukasti, jupax llamp'u chuymampiw suyt'asipktam; Diosax janiw khitin jiwañapsa munkiti, jan ukasti, taqinin jupan ukar kutkatxañap muni.