Lucas 5:2 - Qullan Arunaka DC

² Ukatsti Jesusax uka quta thiyan pä ch'usa bote uñjäna. Chawlla katurinakax uka botenakat mistunisin qänanakap t'axsusipkäna.

Aymar Bibliia 1986

² Jesusasti uca kota thiyan pä ch'usa boteruw uñjaraquïna, chawlla caturinacasti mistunjjasinjja känanacap t'ajjsusisipcäna.

Qullan Arunaca

² Jesusasti uca kota thiyan pä ch'usa boteruw uñjaraquïna, chawlla caturinacasti mistunjjasinjja känanacap t'ajjsusisipcäna.

Lucas 5:2 Jak'a apnaqawi uñst'ayäwi

Mateo 4:18

Ukatsti Jesusax Galilea quta thiyanjam sarkasaw pani jila sullkar uñjäna: maynïrix Simón Pedro satänwa, maynïristi Andrés satarakïnwa. Jupanakax chawlla katurïnwa, qänap qutar jaquntasipkäna.

Mateo 4:21

Mä juk'a nayrar sartasinsti, Jesusax yaqha pani jila sullkaruw uñjäna. Santiagompiru, Juanampiru, jupanakax Zebedeon yuqanakapänwa. Jupanakasti awkipampiw qänanakap boten askichasipkäna. Jesusasti jupanakaruw jawsäna,

Marcos 1:16

Jesusax Galilea quta thiya sarkasinxa, Simonaru, Andrés jilapampiruw uñjäna. Jupanakax chawlla katurïpxänwa, qänap qutar jaquntasipkarakïna.

Marcos 1:19

Ukawjat mä juk'amp sartasinsti, Jesusax Santiagompiru, Juan jilapampiruw uñjäna, jupanakasti Zebedeon yuqanakapänwa, jupanakax boten qänanakap askichasipkäna.

Lucas 5:1

Mä kutix Jesusax Galilea quta thiyankaskänwa; ukarusti walja jaqipuniw tantthaptanïna, juparux uksat aksat ñiqjapxäna, Diosan arunakap ist'añataki.

Lucas 5:3

Jesusasti mä boteruw mantäna, uka botex Simonankänwa, juparusti quta lakat manqhawjar jithintayañapatakiw mayïna. Boter qunt'asisinsti, ukawjatpach jaqinakar yatichäna.

Juan 1:40

Juanar ist'asin Jesusar arkapkatayna uka paninit maynïrix Andrés sutinïnwa; jupasti Simón Pedron jilapänwa.