Lucas 5:19 - Qullan Arunaka DC

¹⁹ ukampis janiw kawki chiqas kallantañjamäkänti, jaqin phuqhantatätap layku; ukhamasti uta pataruw mistupxäna, uta pata p'iyantasinsti suchu jaqirux Jesusan nayraqataparuw warkuntapxäna.

Aymar Bibliia 1986

¹⁹ Ucampis jaken wali q'iq'ïtapatjja jan cawqui cheka callantañjamïpanjja uta pataruw mistupjjäna. Ucat techo jartasinracwa suchu jakerojj warcuntanipjjäna Jesusan nayrakataparu.

Qullan Arunaca

¹⁹ Ucampis jaken wali q'iq'ïtapatjja jan cawqui cheka callantañjamïpanjja uta pataruw mistupjjäna. Ucat techo jartasinracwa suchu jakerojj warcuntanipjjäna Jesusan nayrakataparu.

Lucas 5:19 Jak'a apnaqawi uñst'ayäwi

2 Samuel 11:2

Mä jayp'usti, Davidax ikiñapat sartasin reyi uta terrazan sarnaqaskäna, ukatsti akatjamat mä wali suma uñnaqt'an warmir jarisiskir uñjäna. Uka warmisti ukkhakiw phaxsi wilapat q'umachasiskatayna. Davidasti uka warmit yatxatañ munasaw mayni uywatapar khithäna. Uywatasti kuttanisin yatiyxarakïnwa, uka warmin Betsabé sutinïtapa, Eliam jaqin phuchhapätapa, ukhamarak Urías sat mä hitita jaqin warmipätapa. Ukhamasti Davidax mayni jaqinak khithasin uka warmir irptayasinïna, ukatsti jupampiw ikintäna; uka qhipatsti warmix utaparuw kuttawayxäna.

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Mateo 10:27

Kuntix ch'amakan sapksma ukxa, uru qhanan arsupxam; jamasan sapksma uksti, uta patat arnaqapxam.

Mateo 24:17

uta patankiristi, yänakap apsusirix jan saraqanpati;

Marcos 2:4

Jaqin phuqhätap layku Jesusar jan jak'achasiñjamïpansti, uta pata jartasin Jesusan nayraqataparuw suchu jaqirux ikiñat warkuntapxäna.

Deuteronomio 22:8

“Jumanakat maynitix mä machaq uta utachasini ukapachaxa, uta patarux mä pirqampiw muyuntayañapa; jan khitin uka patat jalaqtasin jiwaskañapataki; ukhamat wila masinakapan juchañchat jan uñjasiskañapataki.

1 Samuel 9:25

Kunapachatix qullan chiqawjat markaru saraqanxapxän ukkhasti, Saúl waynatakix uta pataruw mä ikiñ wakicht'apxäna,