Lucas 5:15 - Qullan Arunaka DC

¹⁵ Ukampis Jesusan taqi ukanak luratapax juk'ampiw yatisïna, ukatsti walja jaqirakiw jupar ist'irix jutapxäna, ukhamarak usunakapat qullatäñatakisa.

Aymar Bibliia 1986

¹⁵ Ucampis Jesusan take ucanac luratapajj juc'ampiw yatisïna, ucatsti walja jakeraquiw jupar ist'irejj jutapjjäna, uqhamarac usunacapat kollatäñataquisa.

Qullan Arunaca

¹⁵ Ucampis Jesusan take ucanac luratapajj juc'ampiw yatisïna, ucatsti walja jakeraquiw jupar ist'irejj jutapjjäna, uqhamarac usunacapat kollatäñataquisa.

Lucas 5:15 Jak'a apnaqawi uñst'ayäwi

Proverbios 15:33

Tatitur axsartañax yatiñ kankañ utjayi; jach'añchäwinak katuqañatakisti, nayraqatax llamp'u chuymanïñawa.

Mateo 9:26

Uka luratapasti taqi uksa tuqinakan yatisïna.

Mateo 9:31

Ukampis jupanakax mistus ukspachaw taqi uksa tuqinakan kuntix Jesusax lurkatayna uk yatiyapxäna.

Marcos 1:28

Ukatsti mäkirakiw Galilea uraqpachan jaqinakax Jesusan luratapat yatipxäna.

Marcos 1:45

Ukampis uka jaqix sarxasinxa, kunatix jupamp luraskäna uk taqinir yatiyañ qalltäna. Ukat Jesusax jan kawki markarus qhan mantkänti, jan ukasti marka thiyawjanakana, kawkhantix jaqis jan utjkäna uka chiqanakanak qhiparäna. Ukhamäkipansa, jaqinakax taqi tuqit jupar uñjirix jutasipkakïnwa.

Marcos 3:7

Jesusax yatiqirinakapampiw quta thiyar saräna, walja jaqinakaw Galileat jupar arkapxäna.

Lucas 12:1

Ukchañkamasti walja jaqinakapuniw tantthaptäna, kayunakatsa takirasipxänwa. Jesusasti nayraqatax yatiqirinakaparuw säna: “Fariseonakan k'ari yatichäwipat amuyasipxam, jupanakax taqi kunas chiqäkaspa ukham yatichasaw jaqinakar sallqjapxi.

Lucas 14:25

Walja jaqiw Jesusarux arkäna; jupasti kutikipstanisin jupanakaruw sarakïna:

Juan 6:2

Walja jaqinakaw qhipapat arkapxäna, usutanakar muspharkañ luras k'umaraptayatap layku.

1 Timoteo 5:25

Uka pachparakiw aski luräwinakax qhan uñsti; ukampis jan aski luräwinakax, janipuniw imantatäkaniti, jan ukasti, uñstakipuniniwa.