Lucas 4:25 - Qullan Arunaka DC

²⁵ Chiqpachansa, Elías profetan urunakapanxa, walja ijma warminakaw Israel markan utjäna, jallux kimsa mara chikani jan purxatapatsti, taqi markpachan manq'at awtjayasiñax utjxäna;

Aymar Bibliia 1986

²⁵ Nayasti sasipcaquïmawa: Israel marcanjja walja ijma warminacaw Elías profetan urunacapanjja utjäna. Jallojj quimsa mara chicani jan purjjatapatsti, take marcpachanwa mank'at awtjayasiñajj utj-jjäna.

Qullan Arunaca

²⁵ Nayasti sasipcaquïmawa: Israel marcanjja walja ijma warminacaw Elías profetan urunacapanjja utjäna. Jallojj quimsa mara chicani jan purjjatapatsti, take marcpachanwa mank'at awtjayasiñajj utj-jjäna.

Lucas 4:25 Jak'a apnaqawi uñst'ayäwi

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

Isaías 55:8

Tatitux akham siwa: Nayan amtatanakaxasti janiw jumanakan amtatanakamjamäkiti, luräwinakaxas janirakiw jumanakan luräwinakamjamäkiti. Kunjämatix alaxpachax akapachat wali alayankixa, ukhamarakiw amtatanakaxasa, luräwinakaxasa, jumanakan amtatanakamata, luräwinakamat sipansa wali alayankaraki.” Tatituw uk arsu.

Mateo 20:15

¿Janit qullqixampix kuntix nayax munkta uk lurañaxax wakiskitu? Jan ukax, ¿janich jumatak suma chuymanïtaxax walïki?’ sasa.

Lucas 10:21

Ukapachaw Jesusax Qullan Ajayu tuqi kusisiñampi phuqt'ata, akham säna: “Yupaychsmaw Awkixay, alaxpachansa, akapachansa Tatitupa, jumax akanak wali yatiñaninakata, amuyt'aninakat imantasaw juk'a yatiñan jaqinakarux uñacht'aytaxa. Jïsa, Awkixay, jumax ukham muntaxa.

Romanos 9:15

Diosasti Moisesarux sänwa: “Khitirutix nayax munkta ukaruw khuyapt'ayä” sasa.

Romanos 9:20

Juma jaqisti, ¿khitirakïtasti Diosar jaychasiñamatakisti? ¿Ñiq'it lurat phukhux luriripar saspati: “Kunatsa ukham lurista sasaxa?”

Efesios 1:11

Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Efesios 1:9

ukatsti jan amuyt'kañ amtäwipat uñt'ayistu. Jupax khuyapayasiñapan amtatayna, Cristo tuqi uka amtäwip lurañataki.

Santiago 5:17

Elías profetax jiwasjam jaqikïnwa, kunapachatix jan jalluñapatak Tatitur taqi chuymapampi maykän ukkhaxa, jallux kimsa mara chikaniw jan purkxänti.

Apocalipsis 11:6

Jupanakax alaxpach jist'antañatakisa munañanïpxiwa, Diosat katuqat arunak parlapkani uka urunakan jallun jan puriñapatakisa, umanakan wilar tukuñapataki, akapach jaqinakar kunayman mutuñanakampi munataparjam qawqha kuti t'aqhisiyañatakis munañanïpxarakiwa.