Lucas 4:2 - Qullan Arunaka DC

² Ukansti Jesusax pusi tunka uruw supayan yant'at uñjasïna. Ukürunakan janiw kuns manq'kataynati, ukat jupax manq'at awtjayasïna.

Aymar Bibliia 1986

² Ucansti Jesusajj pusi tunc uruw ucancäna, Supayasti yant'araquïnwa. Ucürunacanjja janiw cuns mank'cataynati, ucat jupajj mank'at awtjayasïna.

Qullan Arunaca

² Ucansti Jesusajj pusi tunc uruw ucancäna, Supayasti yant'araquïnwa. Ucürunacanjja janiw cuns mank'cataynati, ucat jupajj mank'at awtjayasïna.

Lucas 4:2 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

1 Reyes 19:8

Eliasasti sartasisin manq'asïna, umt'asirakïna. Uka manq'aw ch'ama churäna pusi tunka urumpi, pusi tunka arumampi thakhinjam sarañataki, Tatitun Horeb qullupar puriñkama.

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Éxodo 24:18

Moisesasti qinay taypinjam qullurux makhatäna, ukatsti pusi tunka urumpi, pusi tunka arumampiw qullunkäna.

Éxodo 34:28

Moisesasti Tatitump chikaw qullun qhiparäna, pusi tunka uru, pusi tunka aruma jan manq'ata, umas jan umt'ata. Ukan jupax qala tablanakxar arust'äwin arunakapa, tunka kamachinakäki uk qillqäna.

Jonás 3:7

Ukatsti, reyimpi, jilïrinakapampixa, taqi markpacharuw mä kamachi yatiyapxäna, akham sasa: “Janiw khitis kunsa manq'añapäkiti, uywanakarus janirak manq'añsa, umañsa churapxpati.

Mateo 21:18

Qhipärmanthisti Jerusalenar kutinkasaw Jesusax manq'at awtjayasïna.

Mateo 4:2

Jesusasti pusi tunka urumpi, pusi tunka arumampiw jan manq'at sarnaqäna, ukatsti manq'at awtjayasïna.

Lucas 4:3

Ukhamäskiriruw supayax jupar säna: —Jumatix Diosan Yuqapästaxa, aka qalanakarux t'ant'ar tukuyam —sasa.

Juan 4:6

Ukawjan Jacobun uma phuch'upaw utjäna. Jesusasti thakhi sarkäwix qaritänwa, ukat jupax uka phuch'u jak'ar qunt'asïna. Ukapachasti niya chika urüxänwa.

Deuteronomio 9:18

Uka qhipatsti Tatitun nayraqatapan killt'asta, ukatsti, kamisatix nayrïr kutix lurkta ukhamaw pusi tunka urumpi, pusi tunka arumampi jan kuna manq'ata, umas jan umt'ata ukankäyäta, jumanakan jucha luratanakam layku, Diosar ñanqhachapxatamata, q'apisiyapxatamata.

Deuteronomio 9:25

Tatitux jumanakar t'unjañ amtatayna, ukat nayax Tatit nayraqatan pusi tunka urumpi, pusi tunka arumampi killt'asta,

Deuteronomio 9:9

Nayax Horeb qulluruw makhatäyäta, qalat lurat tablanak aptiri, Diosax jumanakampi suma arust'äwi lurkatayna uka qala tablanaka, nayasti pusi tunka urumpi, pusi tunka arumampiw uka qullunkäyäta jan manq'ata jan umata.

Hebreos 2:18

Jupa pachpa t'aqhisisaw yant'at uñjasïna, jichhasti khitinakatix yant'ar puripki ukanakaruw yanapt'arakispa.

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

1 Samuel 17:16

Ukchañkamasti, uka filisteo jaqix sapa qhantatinaka, jayp'unakaw israelitanakar arch'ukir mistunirïna, pusi tunka uruw ukham arnaqasisinkäna.