Lucas 22:63 - Qullan Arunaka DC

⁶³ Khitinakatix Jesusar uñjasipkän ukanakax jupat phiskasipxänwa, jawq'japxarakïnwa.

Aymar Bibliia 1986

⁶³ Qhitinacatejj Jesusar uñjasipcäna ucanacajj jupatjja larusipjjänwa, jawk'japjjaraquïnwa.

Qullan Arunaca

⁶³ Qhitinacatejj Jesusar uñjasipcäna ucanacajj jupatjja larusipjjänwa, jawk'japjjaraquïnwa.

Lucas 22:63 Jak'a apnaqawi uñst'ayäwi

Salmos 22:13

13 (14) leonanakar uñtataw wararipxi, lakanakap jist'arataw chhukt'anipxitu.

Salmos 35:25

Janikiy jupanakax sapxpati: “¡Ukpï uñjañ munäyätanxa! ¡Jichhax jan mayampitakiw aynacht'aytanxa!” sasa.

Isaías 49:7

Israel marka, jumax taqi markanakan jisk'achjata, uñisitaw jikxatastaxa, jichhas uka qhuru jaqinakan t'aqhisiyatakïsktawa. Ukhamax nayan arunakax ist'am: “Juman Diosamax naya sapakïtwa; kunapachatix reyinakasa, jilïrinakas uñjapkätam ukapachaxa, juma nayraqatan alt'asipxani. Naya, Israelan Qullan Diosapaw jumarux ajllissma, arsutanakaxsti phuqharaktwa” sasa.

Isaías 52:14

Ajanupas q'ala mayjt'at uñjasaxa, jan jaqir uñtasita tukjat uñjasasa, waljaniw jupat muspharapxäna,

Isaías 53:3

taqiniw juparux jisk'achjapxäna, apanukupxarakïna. Usuyasiñapampis wal t'aqhisïna, ukham t'aqhisiñatakis wakicht'atarakïnwa. Taqinis jupar ukham uñjañ janiw munapktanti; jisk'achapxtanwa, janirakiw juparux yäqapktanti.

Miqueas 5:1

1 (14) “Jerusalén marka, jichhax sayt'asiñatak wakicht'asim, uñisirinakamampi muyuntatätawa, Israel markan jilïriparuw wal mutuyapxarakini.

Lucas 22:62

Ukatsti Pedrox uka chiqat mistuwayasin wal jachäna.

Juan 18:19

Sacerdotenakan jilïripasti, Jesusaruw jiskt'añ qalltäna, yatiqirinakapax khitinakänsa, kunsa jupax yatichäna ukanakxata.

Juan 18:22

Jesusan ukham satapatxa, Tatitun utap uñjir soldadonakat mayniw Jesusan ajanupat t'axllintäna, akham sasa: —¿Ukhamti sacerdotenakan jilïripar aynkatta? —sasa.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

1 Pedro 2:23

Chuyma usuyir arunakamp tuqipkän ukkhaxa, janiw pachpa arunakamp kutt'aykänti; t'aqhisiyapkän ukanakatakisa, janiw achuskänti, jan ukasti chiqapar taripir Diosaruw katuyasïna.