Lucas 22:17 - Qullan Arunaka DC

¹⁷ Ukat amparapamp mä qiru astasin Diosar yuspagaräna, sarakïnwa: —Uka qiru astapxam, ukatsti taqinirak umt'apxam;

Aymar Bibliia 1986

¹⁷ Ucatwa amparapampi mä copa astasin Diosar yuspagari, ucat saraqui: —Ac catokapjjam, ucatsti jumanaccama jaljasipjjam.

Qullan Arunaca

¹⁷ Ucatwa amparapampi mä copa astasin Diosar yuspagari, ucat saraqui: —Ac catokapjjam, ucatsti jumanaccama jaljasipjjam.

Lucas 22:17 Jak'a apnaqawi uñst'ayäwi

Salmos 116:13

¡Qhispiyasiñapat yuspagarasa, Tatitun sutip aytasa!

Salmos 23:5

Uñisirinakaxan uñjkañaw manq'añ wakicharapista; kusisiñampiw phuqhantista, wali sumpun uñjarakista.

Jeremías 16:7

Janiw khitis uka jiwaratanakan wila masinakapar chuymachañatakix, manq'äwinak wakichkaniti, uka jiwatax pachpa awkipa jan ukax taykapäskpasa.

Mateo 14:19

Ukxarusti Jesusax jaqinakan ch'ijir qunurañapatakiw mayïna. Ukatsti phisqa t'ant'ampi pä chawllampi katusin alaxpach uñtasaw Diosar yuspagaräna. T'ant'a pachjasinsti yatiqirinakaparuw churäna taqi jaqinakar lakintapxañapataki.

Mateo 15:36

ukatsti paqallq t'ant'ampi, chawllanakamp apxarusin Diosaruw yuspagaräna, t'ant'anak pachinuqasinsti yatiqirinakaparuw churäna, jupanakasti jaqinakaruw lakintarakïna.

Mateo 26:26

Manq'apkipansti, Jesusax t'ant'a irtasin yuspagaräna, pachjasinsti yatiqirinakaparuw churäna: —Manq'apxam; akax nayan janchixawa —sasa.

Marcos 14:22

Manq'kasinsti, Jesusax t'ant'a irtasin Diosaruw yuspagaräna. Ukatsti t'ant'a pachinuqasax yatiqirinakaparuw churäna, sarakïnwa: —Manq'apxam, akax nayan janchixawa —sasa.

Lucas 22:19

Ukatsti, t'ant'a irtasin Diosaruw yuspagaräna, pachjasinsti jupanakaruw churäna, sarakïnwa: —Akax janchixawa, ukasti jumanak layku jiwayañatak katuyatawa. Uksti nayat amtasisin lurapxam —sasa.

Lucas 9:16

Ukatsti Jesusax phisqa t'ant'ampi pä chawllampi aptasina, alaxpach uñtasin Diosar yuspagaräna, jalanuqasasti yatiqirinakaparuw churi jaqinakar lakintapxañapataki.

Romanos 14:6

Maynitix mä uru yaqhachchixa, Tatitur jach'achañatakiw yaqhachi. Khititix taqi kunsa manq'ki ukasti, Tatitur jach'achañatakiw manq'i; ukatsti Diosaruw yuspagari; khititix taqi kunsa jan manq'ki ukaxa, Tatitur jach'achañatakiw jan manq'kiti, ukatsti Diosaruw yuspagararaki.

1 Corintios 10:16

Kunapachatix Diosar yuspagarasin qullan qirut umktan ukkhaxa, Criston wilapan mayakïtas uñacht'aytan. Kunapachatix t'ant'a pachjtan ukkhasti, Criston janchipan mayakïtas uñacht'ayaraktan.

1 Corintios 11:23

Nayax yatichapksma ukxa, Tatitut katuqta. Tatit Jesusax aljantatäñapäkän uka arumaw t'ant'a irtäna,

Deuteronomio 8:10

Ukatsti kunapachatix manq'asxapxäta sist'asipxarakïta ukkhaxa, Tatit Diosamaruw yupaychapxäta uka suma uraqi jumanakar churatapata.

1 Samuel 9:13

Markar purisinsti, jank'akiw juparux thaqtapxäta, qullan chiqawjar janïr manq'ir sarkipana. Jupan puriniñapkamasti jaqinakax janïraw manq'apkaniti, jupaw wilañcha luqtatarux qullanañchañapa, uka qhipat jawsayata jaqinakax manq'asipkani. ¡Jank'ak sarapxam, jikxatasipkätawa! —sasa.