Lucas 21:37 - Qullan Arunaka DC

³⁷ Jesusax sapüruw Tatitun utapan yatichirïna, arumjarusti Olivos sat qulluruw sarxirïna.

Aymar Bibliia 1986

³⁷ Jesusajj sapa uruw templon yatichirïna, arumasti Olivos sat kolluruw sarjjerïna ucan khantatiñataqui.

Qullan Arunaca

³⁷ Jesusajj sapa uruw templon yatichirïna, arumasti Olivos sat kolluruw sarjjerïna ucan khantatiñataqui.

Lucas 21:37 Jak'a apnaqawi uñst'ayäwi

Zacarías 14:4

Uka urusti Tatitux Olivos qullu patxaruw utjnuqasini, Jerusalén marka uñkatasina, inti jalsu tuqina. Olivos qullurux payaruw jaljtayani, mä chikat qullux amsta tuqiruw jitt'ani, mä chikatasti aynach tuqiruw jitt'arakini, uka taypix mä jach'a qhirwaruw tukuni inti jalsuta inti jalantkama,

Mateo 21:1

Kunapachatix Jerusalén marka jak'ankxapxän ukkhasti, Olivos qullu jak'ankki uka Betfagé sat markaruw puripxäna. Jesusasti ukawjat pani yatiqiriparuw khithäna,

Mateo 21:17

Ukatsti Jesusax Jerusalén markat Betania markaruw sarxäna, uka arumasti ukan qhiparäna.

Mateo 26:30

Mä q'uchu q'ucht'asinsti, Olivos sat qulluruw sarxapxäna.

Mateo 26:55

Ukapachaw Jesusax jaqinakar jiskt'äna: —¿Kunatarak jumanakasti mä lunthatarjam espadanakampi, lawanakampi nayar katuntir jutapxtasti? Sapürurakis Tatitun utapan jumanakar yatichasipksmaxä, ukkhay katuntapxitasamänxa.

Marcos 11:12

Qhipürusti, Betania markat mistunipkän ukkhax Jesusax manq'at awtjayasïna.

Marcos 11:19

Jayp'üxipansti, Jesusampi yatiqirinakapampix uka markat mistuwayxapxänwa.

Marcos 14:49

Sapürurakis Tatitun utapan jumanakar yatichasipksmaxä, ukkhay katuntapxitasamänxa. Ukampis akax Qillqatanakan phuqhasiñapatakiw lurasi —sasa.

Lucas 19:29

Kunapachatix Betfagé, Betania uka markanakar niy jak'achasxän ukkhasti, Olivos sat qullu jak'aruw sayt'asïna, uka chiqat pani yatiqiriparuw khithäna,

Lucas 19:37

Olivos qullu saraqañar jak'achaskasinxa, Jesusan arkirinakapax taqiniw kusisiñat jach'at art'as Diosar yupaychañ qalltapxäna, taqi muspharkañanak uñjapxatap layku.

Lucas 19:47

Jesusax sapüruw Tatitun utapan yatichäna, ukatsti sacerdotenakan jilïrinakapampi, kamachi yatichirinakampi, markan jilïrinakapampix, kunjämatsa Jesusar jiwayañ thaqhasipkäna.

Lucas 22:39

Ukapachaw Jesusax markat mistuwayxäna, kunjämtix lurirïkän ukhama Olivos sat qulluruw sarxäna, yatiqirinakapasti arkapxarakïnwa.

Juan 12:1

Pascua jach'a urutak suxtürükipan Jesusax Betania markaruw saräna, jupax jaktaykatayna uka Lazarox kawkintix jakkäna uka markaru.

Juan 18:2

Aljantir Judasax uka chiq sum uñjarakïna, Jesusan walja kuti yatiqirinakapampi ukawjar sarirïtap layku.

Hechos 1:12

Uka qhipatsti, apostolunakax Olivos qullut Jerusalenaruw kutt'xapxäna. Uka qullusti Jerusalenat jak'ankakiwa, mä chika tupun chikataparjama.