Lucas 21:22 - Qullan Arunaka DC

²² Uka urunakasti mutuyäwi urunakäniwa, kunjämtix Qillqatan siski ukanakaw phuqhasini.

Aymar Bibliia 1986

²² Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

Qullan Arunaca

²² Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

Lucas 21:22 Jak'a apnaqawi uñst'ayäwi

Isaías 34:8

Jïsa, Tatitux uka uruw phuqsusini; Jerusalén markatakix phuqsusiñ mara satäniwa.

Isaías 61:2

Tatitun suma amtäwip mara yatiyiri, kawkïri uruntix jiwasan Diosasax uñisirinakasat phuqsuskani ukkha. Taqi llakt'atanakar chuymachiriw khithanitu,

Isaías 63:4

Kutsuyasiñ uru wakichkta uka urux niya wakt'ayatäxiwa; markaxar qhispiyañ urus purinxarakiwa.

Jeremías 51:6

“¡Babilonia markat jaltxapxam! ¡Qhispiñ munirix qhisppan! ¡Jan jupan juchap laykux jiwapxamti! Jupanakat phuqsusiñ uruw purinxi, luratanakaparjamaw churarakï.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Mateo 1:22

Taqi ukanakasti kuntix Diosax profetap tuqi arskatayna ukarjamaw phuqhasiskäna.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Deuteronomio 32:34

Tatitusasti siwa: “ ‘Taqi ukanak imasiskta; mä jila alan yänakar uñtat imasiskta,

Deuteronomio 32:43

“¡Jumanaka, jak'ankir markanaka, Diosan markapamp chika kusisipxam! Jupaw uywatanakapan jiwatapat phuqsusini, uñisirinakapat phuqsusirakini. ¡Diosax markapar pampachaniwa uraqiparusti juchanakat q'umacharakini!”

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.

2 Pedro 3:7

Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.