Lucas 20:24 - Qullan Arunaka DC

²⁴ —Mä qullqi uñacht'ayapxita. ¿Khitin ajanupas aka qullqinki? ¿Khitin sutipas aka qullqin qillqataxa? —sasa. Jupanakasti sapxänwa: —Cesarankiwa —sasa.

Aymar Bibliia 1986

²⁴ Uñacht'ayapjjeta mä kollke. ¿Qhitin ajanupasa, uqhamarac qhitin sutipanisa? —sasa. Jupanacasti sapjjänwa: —Cesaranquiwa —sasa.

Qullan Arunaca

²⁴ Uñacht'ayapjjeta mä kollke. ¿Qhitin ajanupasa, uqhamarac qhitin sutipanisa? —sasa. Jupanacasti sapjjänwa: —Cesaranquiwa —sasa.

Lucas 20:24 Jak'a apnaqawi uñst'ayäwi

Mateo 18:28

“Reyin utapat mistuwayasinsti, manut pampachayasir jaqix, patak qullqi manükatayna uka irnaqir masipampiw jikisïna. Juparusti kunkat katuntasin niya jaychkatirjamaw säna: ‘¡Manüktas uk churxita!’ sasa.

Mateo 20:2

Irnaqirinakampi parlt'asasti, mä urun irnaqatat qawqha qullqitix churañäki uk churañatakiw arsu, ukatsti uva yapupan irnaqiriw jupanak khithi.

Mateo 22:20

Jesusasti jupanakaruw jiskt'äna: —¿Khitin ajanupasa, khitin sutipas aka qullqin qillqataxa? —sasa.

Marcos 12:16

Jupanakasti qullqi churapxäna, Jesusasti uñxatasin jupanakaruw jiskt'äna: —Aka qullqin utjki uka ajanusa, sutipas ¿khitinkisa? —sasa. Jupanakasti: —Cesarankiwa —sapxänwa.

Lucas 2:1

Khä urunakansti Augusto Cesaraw mä kamachi mistuyäna, jupax apnaqkäna taqi uka markanakan jaqinakan jakthapitäñapataki.

Lucas 20:22

Sapxita: ¿Romankir Cesarar qullqi churañax walikïskiti, janicha? —sasa.

Lucas 20:23

Jesusasti jupanakan jan wali amtañanïpxatap amuyasin, jupanakar sarakïna:

Lucas 20:25

Jesusasti jupanakar sarakïnwa: —Cesarankki uk Cesarar churapxam, Diosankki uksti Diosarurak churapxam —sasa.

Lucas 23:2

Pilato nayraqatan juchañchañ qalltapxäna akham sasa: —Aka jaqirux markasar pixtuskir katjapxta. Ukatsti ‘Impuestox janiw Romankir emperadorarux churañäkiti’ siwa, ukhamarus nayax ‘Cristötwa’ sarakiwa, mä arunsti ukax ‘rey’ sañ muni —sasa.

Lucas 3:1

Tiberio sat emperadorax niya tunka phisqan mara marka apnaqkän ukkhaxa, Poncio Pilatox Judea marka apnaqäna, Herodesasti Galilea marka apnaqarakïna, Filipo jilapasti Iturea markampi, Traconítede markamppach apnaqäna, Lisaniasasti Abilene marka apnaqarakïna.

Hechos 11:28

Uka profetanakat maynïriw utjäna Agabo sutini. Jupasti jilatanak taypin sayt'asisin Qullan Ajayu tuqi jupanakar yatiyäna: “Mä jach'a mach'aw taqpach uraqin utjani” sasa. Ukasti Claudio sat jach'a jilïrix marka apnaqkän ukapachaw phuqhasïna.

Hechos 26:32

Agripa reyisti Festo jilïrirux sarakïnwa: —Aka jaqix antutatäxasapänwa, janitix jupapachpa marka apnaqir Cesar jilïrimpi taripatäñ maykasapän ukaxa —sasa.

Filipenses 4:22

Taqi khitinakatix Diosan qullan markapankirïpki jupanakas aruntanipxtamwa, ukatsti khitinakatix romano emperadoratak irnaqapki jupanakas aruntanipxaraktamwa.