Lucas 2:49 - Qullan Arunaka DC

⁴⁹ Ukat Jesusax jupanakar säna: —¿Kunatarak nayarusti thaqhapxistasti? ¿Janit Awkixan utapankañax yatipktasti? —sasa.

Aymar Bibliia 1986

⁴⁹ Ucat Jesusajj jupanacar säna: —¿Cunatarac nayarusti thakapjjestasti? ¿Janit yatipcta nayajj Awquejjan utapancañajj-jja? —sasa.

Qullan Arunaca

⁴⁹ Ucat Jesusajj jupanacar säna: —¿Cunatarac nayarusti thakapjjestasti? ¿Janit yatipcta nayajj Awquejjan utapancañajj-jja? —sasa.

Lucas 2:49 Jak'a apnaqawi uñst'ayäwi

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Malaquías 3:1

Taqi ch'aman Tatitux siwa: “Nayaw yatiyirixa khitanï, jupaw nayatak thakhi wakichani. Jumanakax thaqhapkta uka Tatitux, akatjamat utaparux mantanini. ¡Arust'äwir mantat yatiyirix niyaw purisinki!”

Mateo 21:12

Jesusasti Diosan utapar mantasin taqi ukan aljirinakampiru, alasirinakampiruw anqar alissüna. Qullqi turkasirinakan uchasiñanakap liwinuküna, paloma aljirinakan qunuñanakap jaqurpayäna;

Lucas 2:48

Awkipampi taykapampisti jupar uñjasax wal muspharapxäna; ukat taykapax säna: —¡Ay wawa! ¿Kunatarak ukham lurapxistasti? Awkimampi nayampix wali llakt'ataw thaqhasipxsma —sasa.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Juan 5:17

Ukampis Jesusax jupanakar sänwa: —Awkixax jichhakamaw irnaqaski, nayasti ukat irnaqarakta —sasa.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Juan 6:38

Nayasti janiw alaxpachat munañax lurasir jutkti, jan ukasti, khithankitu uka Awkixan munañap luririw jutta.

Juan 8:29

Khititix nayar khithankitu ukax nayampïskiwa; Awkixax janiw sapak jaytkituti, kunatix jupar kusisiyki ukpin nayax lurta.

Juan 9:4

Nayar khithankitu ukan luräwinakap urükipan lurañaxaw wakisi; aruma purinipansti, janiw khitis irnaqkaspati.