Lucas 2:15 - Qullan Arunaka DC

¹⁵ Angelanakan alaxpachar kutt'xatapatsti, awatirinakax maynit maynikamaw aruskipasipxäna akham sasa: —Jichhax Belén markar jank'ak sarañäni, kuntix Tatitux yatiykistu uk uñjaniñäni —sasa.

Aymar Bibliia 1986

¹⁵ Angelanacan alajjpacharu cutt'jjapjjatapatsti, awatirinacajj maynit maynicamaw parlaquipasipjjäna aqham sasa: —Jichhajj sarañäniya Belenaru cunatï pascatayna, uqhamarac cuntï Tatitojj yatiyquistu uc yatjjatiri —sasa.

Qullan Arunaca

¹⁵ Angelanacan alajjpacharu cutt'jjapjjatapatsti, awatirinacajj maynit maynicamaw parlaquipasipjjäna aqham sasa: —Jichhajj sarañäniya Belenaru cunatï pascatayna, uqhamarac cuntï Tatitojj yatiyquistu uc yatjjatiri —sasa.

Lucas 2:15 Jak'a apnaqawi uñst'ayäwi

2 Reyes 2:1

Tatitux Eliasar mä tutuka thaya tuqiw alaxpachar irpasxañ amtatayna. Uka urusti, Eliasampi, Eliseompix Gilgal chiqat mistunxapxäna,

2 Reyes 2:11

Jupanakasti parlasisaw sarasipkäna, ukham sarkiriruw akatjamat nina nakhaskir mä carrox uñstanïna, caballonakasti nina nakhaskirirakïnwa, ukatsti ukaw jupanakar jaljtayäna, Eliasasti mä thaya tutukanjam alaxpachar makhatxäna.

Salmos 111:2

Tatitun luratanakapax muspharkañawa, luratanakapar munirinakax sum yatxatapxi.

Éxodo 3:3

Ukat jupax säna: “¡Kunarakïpacha, wali mayjarakisä! ¿Kunatsa uka ch'aphix jan nakhantkpacha? Uñjanipunï” sasa.

Mateo 12:42

Uka kipkarakiw Sabá markankir reinas taripäwi urunxa, jichha urunakan jakirinakar juchañchiriw sartani; jupasti wali jaya markatpach Salomonan yatiñ kankañap ist'iriw jutäna, ukampis jichhax Salomonat juk'amp jach'ax mayniw akanki.

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Lucas 2:16

Jupanakasti jank'akiw sarapxäna, ukat Mariampiru, Joseampir jikxatapxäna, asu wawarusti uywa manq'añawjan ikiskir jikxatapxarakïna.

Lucas 24:51

Jupanakar aski waxt'äwip churkipanwa, jupanakat jithiqtawayxäna, ukatsti alaxpachar apataw uñjasxäna.

1 Pedro 3:22

jupasti alaxpachar makhatxasaxa, Tatitun kupïxaparuw qunt'asxi, angelanakarusa, taqi jilïr ch'aman ajayunakarus jupaw apnaqxi.