Lucas 19:17 - Qullan Arunaka DC

¹⁷ Reyisti juparux sarakïnwa: ‘Walikiwa; jumax suma irnaqirïtawa, ukham phuqhatam laykux, tunka markan jilïripat utt'ayäma’ sasa.

Aymar Bibliia 1986

¹⁷ Reyisti juparojj saraquiwa: “Waliqui; suma sirvirïtawa, niyaqui uc phokhañ yatstajja, tunca marcan jilïripat uchäma” sasa.

Qullan Arunaca

¹⁷ Reyisti juparojj saraquiwa: ‘Waliqui; suma sirvirïtawa, niyaqui uc phokhañ yatstajja, tunca marcan jilïripat uchäma’ sasa.

Lucas 19:17 Jak'a apnaqawi uñst'ayäwi

Génesis 39:4

Josearusti uka uywiripax sum uñjarakïna, ukatsti jupan yanapiripat utt'ayäna, ukhamarak kunatix utapan utjkäna ukanakxaru munañanïñ utt'ayäna, taqi kun jupar katuyarakïna.

Proverbios 27:18

Higo yapu sum uñjir jaqix, achupat manq'asini; uywiripar sum uñjir jaqisti, jach'añchäwinak katuqani.

Mateo 25:21

Uka jilïristi juparux sänwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Lucas 16:10

“Khititix juk'a apnaqañan chiqapäki ukax, walja apnaqañan chiqaparakiwa; juk'a apnaqañan jan chiqapäki ukasti, walja apnaqañan janirakiw chiqapäkiti.

Lucas 19:16

Nayrïr uywatasti purinisin, sänwa: ‘Tata, qullqimax tunka ukkhampi jilxatti’ sasa.

Lucas 19:18

Ukxarux maynïriw uñstanirakïna, ukat säna: ‘Tata, qullqimax phisqa ukkhampi jilxatti’ sasa.

Lucas 22:30

qhapaq markaxansti, jumanakax nayan manq'añaxat manq'apxäta, umapxarakïta, ukatsti Israelan tunka payan ayllupar taripañatakiw qunt'asipxarakïta.”

Romanos 2:29

Jan ukasti chiqpach judío jaqïñax, taqi chuymampi iyawsañawa. Circuncisión katuqañasti chuymatäñapawa. Ukasti janiw kuna kamachitsa jutkiti, jan ukasti ajayutwa juti. Khititix ukhamäki ukax Diosampi katuqatawa, janiw jaqinakampiti.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.