Lucas 18:16 - Qullan Arunaka DC

¹⁶ Ukat Jesusax jupanakar jawsasin säna: —Wawanakax nayar jutasipkpan sama, jan jark'apxamti, Diosan qhapaq markapax jupanakjamankiwa.

Aymar Bibliia 1986

¹⁶ Ucampis Jesusajj jawsasinwa jupanacarojj saraquïna: —Wawanacajj nayar jutasipcpan sam, jan jarc'apjjamti, Diosan marcapasti jupanacancaraquiwa.

Qullan Arunaca

¹⁶ Ucampis Jesusajj jawsasinwa jupanacarojj saraquïna: —Wawanacajj nayar jutasipcpan sam, jan jarc'apjjamti, Diosan marcapasti jupanacancaraquiwa.

Lucas 18:16 Jak'a apnaqawi uñst'ayäwi

Génesis 21:4

yuritapatsti, kimsaqallqu uru saraqataruw circuncisión katuqayäna, kunjämtix Diosax sawaykatayna ukhamarjama.

2 Crónicas 20:13

Taqpach Judá markaw Tatitun nayraqatapan sayt'ata jikxatasipxäna, warminakasa, wawanakasa, jisk'a wawanakamppach kuna.

Jeremías 32:39

Jupanakarusti taqi urunakapanxa, nayar jach'añchkir tukuyarakï, ukhamat jupanakatakisa, wawanakapatakis askïñapataki.

Mateo 19:14

Jesusasti sarakïnwa: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa —sasa.

Lucas 18:15

Ukatsti wawanakaruw Jesusan ukar irpanipxäna, jupanakar amparapampi luqxatañapataki; yatiqirinakapasti uk uñjasin wawanak irpanirinakaruw tuqinuqapxäna.

Lucas 18:17

Qhanak sapxsma, khititix Diosan qhapaq markap mä wawjam jan katuqkani ukaxa, janipuniw Diosan qhapaq markapar mantkaniti —sasa.

Hechos 2:39

Aka arsutax jumanakatakiwa, wawanakamatakiwa, jayankirinakampitakiwa; qawqhanirutix Dios Tatitusax jawskani jupanakampitakirakiwa.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

1 Corintios 7:14

Cristor jan iyawsir chachaxa, Cristor iyawsir warmimpïxatap laykux, Diosan katuqatäxiwa; Cristor jan iyawsir warmisti Cristor iyawsir chachampïxatap laykux, Diosan katuqatäxarakiwa. Jan ukhamäkaspa ukasti, wawanakamax juchararäpxaspawa; ukampis jupanakax qullan markankirïxapxiwa.

Deuteronomio 29:11

11 (10) wawanaka, warminaka. Jumanak taypinkarakiw yaqha markat jutir jaqinakaxa, khitinakatix jumanakatak lawa ch'iyapki, umsa apanipki ukanaka,

Deuteronomio 31:12

Ukapachasti taqpach markaw tantachasiñapa, taqi jaqinaka, warminaka, wawanaka, jumanak taypin jakir yaqha markat jutir jaqinakas tantachasiñaparakiwa, uka kamachinak ist'apxañapataki, Tatit Diosamar axsartañ yatiqapxañapataki, uka kamachinakarjam sarnaqapxañapatakiraki.

1 Pedro 2:2

Kamisatix asu wawax taykapan lechep thaqtasixa, ukhamarak jumanakax kunatix ajayumatak askïki uk thaqhapxam, ukhaman jiltapxañamataki qhispiyatäpxañamatakiraki,