Lucas 17:24 - Qullan Arunaka DC

²⁴ Kunjämtix mä lliju llijux maysat maysar qhantixa, ukhamäniw Jaqin Yuqapax jutkan uka uruxa.

Aymar Bibliia 1986

²⁴ Cunjämtejj mä llijullijojj maysat maysar khantir uñjapjjtajja, uqhamäniwa Jaken Yokapajj jutcan uca urojja.

Qullan Arunaca

²⁴ Cunjämtejj mä llijullijojj maysat maysar khantir uñjapjjtajja, uqhamäniwa Jaken Yokapajj jutcan uca urojja.

Lucas 17:24 Jak'a apnaqawi uñst'ayäwi

Ezequiel 1:14

Uka pusinisti jank'akiw lliju llijunakjam uksar aksar sarapxarakïna.

Zacarías 9:14

Tatituw markapxarux uñacht'ayasini; mich'inakap lliju llijunakjam antutt'ani. Dios Tatituw trompet phust'ani, aynach jach'a thayamp chikaw sarantarakini.

Mateo 24:27

Kunjämatix lliju llijux inti jalsut inti jalantkam llijtkixa, ukhamarakïniwa Jaqin Yuqapax jutkani ukkhaxa.

Mateo 24:30

Ukapachaw Jaqin Yuqapat alaxpachan mä unañchäwix uñstani, taqi markan jakir jaqinakasti ukapachaw jachapxani, Jaqin Yuqaparusti, jach'a ch'amapampi, k'ajkir kankañapampi qinay patan jutaskir uñjapxani.

Mateo 25:31

“Kunapachatix Jaqin Yuqapax munañan kankañampi, taqpach angelanakapampi jutkan ukapachax, qhapaq qunuñaparuw qunt'asini.

Mateo 26:64

Jesusasti sarakïnwa: —Jumaw uk sasktaxa. Nayasti sapxaraksmawa, Jaqin Yuqaparux ch'aman Diosan kupïxapan qunt'atäskir uñjapxäta, alaxpachat qinayxan jutaskir uñjapxarakïta —sasa.

Mateo 5:15

Janirakiw mä micha qhanas jamas manqhar uchañatak aqtayatäkaspati, jan ukasti, alay chiqar uchatäñapawa uta manqhankirinakar sum qhantañapataki.

1 Corintios 1:8

Diosax jumanakarux tukuykamaw ch'amañchapxätam, ukhamat jan khitis jumanakar juchañchaskañapataki, Jesucristo Tatitusan kutiniñapkama.

1 Tesalonicenses 5:2

Jumanakax askiw yatipxtaxa, Tatitux kutinkan uka urux jan suyat urüniwa, kunjämatix mä lunthatax arum jutki ukhama.

2 Tesalonicenses 2:2

janiy mäki amuyunakam mayjt'ayasipxamti, janirak kuna ajayun unañchäwi arunakapampis mulljayasipxamti, janirak kuna arunak ist'asinsa, janirak kuna qillqat katuqasinsa “Tatitun urupaw purinxi” sas qillqatäki ukatsa mayjt'asipxamti.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

Santiago 5:8

Jumanakax llamp'u chuymanïpxam, janirak mayjt'asipxamti, Tatitux jank'akiw jutani.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.