Lucas 16:22 - Qullan Arunaka DC

²² Mä uruw uka jan kunan jaqix jiwxäna, ukatsti angelanakaw Abrahaman thiyapar qunt'asiñapatak apxapxäna. Qamir jaqisti jiwxarakïnwa, juparusti imantxapxänwa.

Aymar Bibliia 1986

²² Mä uruw uca pobre jakejj jiwjjäna, ucatsti angelanacaw juparojj paraisor apjjapjjäna, Abrahamampïñapataqui. Kamir jakejj jiwjjaraquïnwa, juparusti imantjjapjjaraquïnwa.

Qullan Arunaca

²² Mä uruw uca pobre jakejj jiwjjäna, ucatsti angelanacaw juparojj paraisor apjjapjjäna, Abrahamampïñapataqui. Kamir jakejj jiwjjaraquïnwa, juparusti imantjjapjjaraquïnwa.

Lucas 16:22 Jak'a apnaqawi uñst'ayäwi

Job 21:13

Wali qamiriw sarnaqawayapxi; jan kuna llakiniw jiwawayxapxaraki.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Eclesiastés 8:10

Uka kipkarak ñanqha jaqirux imäwip urun wali jach'achañampi imapxatap uñjta; aski jaqitsti janiw pachpa markapas amtaskiti. Akasti inamayakiwa,

Isaías 14:18

Kunapachatix markanakan reyinakapax jiwxapxi ukkhaxa, suma amay imañanakar imt'atäxapxiwa;

Isaías 22:16

‘¿Kuns jumax akan lurta, khitis jumar reyinakan amay imaña chiqana amay imaña lurañatak churtam?

Mateo 18:10

“Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Mateo 8:11

Nayasti sapxsmawa, waljaniw inti jalsu tuqita, inti jalanta tuqitsa jutapxani, ukatsti Abrahamampi, Isaacampi, Jacobumpi manq'iriw alaxpach suma markan qunt'asipxani,

Marcos 8:36

¿Kuna askïspas jaqitakixa, taqi akapach yänakax jupankxaspa, ajayupsti apt'asispa ukaxa?

Lucas 12:20

Diosasti juparux sänwa: ‘Pisi amuyt'an jaqi, jichha arumpachaw jiwxäta; kuntix imasiskta ukasti ¿khititakirakïnisti?’ sasa.

Lucas 16:21

Lazarosti qamirin manq'äwipat jalaqtir manq'ampikiw sist'asiñ munäna; anunakaw llixtinakap jallq'ir jutapxarakïna.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 13:23

Manq'apkän ukkhasti, Jesusan maynïr wali munat yatiqiripax jupa jak'ankaskänwa,

Juan 21:20

Pedrosti kutikipstasin, Jesusan wali munasit yatiqiripar qhipat jutaskir uñjäna, manq'apkän ukkhax uka pachpa yatiqiriw Jesusan jak'apankäna, ukat Jesusarux jiskt'äna: “Tatay, ¿khitirak aljantätamsti?” sasa.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

Hebreos 2:14

Kunjämatix mä utankir wawanakax mä janchita, mä wilat jutixa, ukhamarakiw Jesusax jaqjam janchinïna, jaqjam wilanïna, ukhamat jiwäwipampi atipjañataki, khititix jiwayañatak ch'amanïkän uka supayaru.

Santiago 1:11

Kunapachatix intix jalsusin wal lupt'anki ukkhaxa, uka alix wañsuwa, panqaras willirtarakiwa, ukatsti suma uñnaqapas tukusiwa. Qamir jaqix ukhamarakiw luräwinakapampi chik tukusini.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

Apocalipsis 14:13

Ukapachaw mä aru ist'ta, alaxpachat art'asisinkiri: “Aka arunak qillqantam: ‘Khitinakatix akat uksar Tatitur iyawsas jiwapki ukanakax kusisiñanïpxiwa’ ” sasa. Diosan Ajayupax siwa: “Ukhamawa,” jupanakax taqi t'aqhisiñanakapata, jan walt'añanakapat samarxapxani, Diosasti jupanakar taqi aski luratanakapat waxt'äwip churani” sasa.