Lucas 16:19 - Qullan Arunaka DC

¹⁹ “Mä qamir jaqiw utjäna, ukasti wali suma lliphipkir isimpiw isthapisirïna, sapürurakiw jach'a manq'añanak wakichayirïna.

Aymar Bibliia 1986

¹⁹ “Mä kamir jakew utjäna, ucasti wali suma lliphipquir isimpiw isthapisirïna, sapüruraquiw jach'a mank'añanaca waquichirïna, jach'a cancañampi.

Qullan Arunaca

¹⁹ “Mä kamir jakew utjäna, ucasti wali suma lliphipquir isimpiw isthapisirïna, sapüruraquiw jach'a mank'añanaca waquichirïna, jach'a cancañampi.

Lucas 16:19 Jak'a apnaqawi uñst'ayäwi

Ester (hebreo) 8:15

Mardoqueosti reyin utapatxa, laramampita janq'umpit isimpi isthapitaw mistunïna, mä quri pillumpi asxatata, linot lurat wila chupika isimp janxatt'ataraki. Susa markankir jaqinakasti walpun kusisipxäna,

Proverbios 14:24

Yatiñan jaqin pillupax yatiñ kankañapawa, jan yatiñan jaqinakansti, pisi amuyt'aparakiwa.

Proverbios 31:22

Jupa pachpaw ikiñanak sawst'asi, suma telat lurat isinakampiw isisiraki.

Ezequiel 16:13

Qurita, qullqit lurat yänakampi k'achachkipataw uñjasxäyäta; isinakamas linot lurata, wali suma sawt'ata kunayman sami p'itatanakat luratarakïnwa. Suma t'ant'a, misk'i, olivot apsut aceite manq'asïyätaxa. Sinti munkañ mä reinar uñtataw tukurakïyätaxa.

Ezequiel 16:49

Sodoma kullakaman juchapax akänwa: Jupasa, jisk'a markanakapasa, manq'añan phuqt'atäsina, jan kuna llakin jakkasinxa wali jach'a jach'aw tukupxäna, janirakiw jan kunaninakarusa, pist'at sarnaqirinakarus yanapt'apkänti.

Ezequiel 27:7

Barcomar sarayir velanakamasti, Egiptot apanita k'achacht'at suma lino telat luratawa, ukasti jumatakix mä wiphaljamänwa; patar janxatañatakisti Elisá sata uksa quta iramanakat apanita wila, ch'iyar chupika telanakat luratänwa.

Marcos 15:17

Mä ch'iyär wila isimpiw Jesusarux isintayapxäna, p'iqiparusti ch'aphit lurat pillumpiw asxatapxäna.

Marcos 15:20

Ukham larusipxatap qhipatsti, ch'iyär wila isi apsusin jupan isipampiw isthapiyapxäna, ukatsti cruzar ch'akkatañatakiw irpsuwayxapxäna.

Lucas 15:13

Mä qawqha urutsti sullkïr yuqax, taqi kunap aljantasin yaqha markaruw sarxäna, ukan jan wal sarnaqas qullqip ina ch'usar tukuntäna.

Lucas 16:1

Jesusax yatiqirinakapar sarakïnwa: “Mä qamir jaqiw utjäna, jupasti yänak apnaqirinïnwa, uka yänak apnaqirit qamir jaqir yatiyiriw jutapxäna: ‘Yänak apnaqirimax yänakam tukuntaski’ sasa.

Lucas 16:18

“Mä chachatix warmipamp jaljtasin yaqhampi jaqichaski ukaxa, wachuqa jucha luri; khititix jaljtat warmimpi jaqichaski ukasti wachuq jucha lurarakiki.

Lucas 16:20

Mä tuqitsti, mayjasir jan kunan jaqirakiw utjäna, Lázaro sutini, jupasti qamirin utap punkun sapüruw qunt'asirïna, jupax llixti usun tukjatänwa.

Apocalipsis 17:4

Warmisti wila chupika suma isimpi isthapitänwa, qurimpi, suma qalanakampi, perlanakampi k'achachatarakïnwa. Kupi amparaparusti qurit lurat qiru ast'atänwa, uka qirusti ñanqha luratanakapampi, q'añusitanakapamp phuqhantatänwa;

Apocalipsis 18:16

sapxani: “¡Ay! ¡Kunarurak purt'asta! ¡Llakkañätaw ch'aman jach'a marka! Suma lino isinakampi isthapitaw sarnaqäyätaxa, suma wila chupika isinakampi, qurimpi, suma k'ajkir qalanakampi, suma perlanakampiw k'achachasïyätaxa.

Apocalipsis 18:7

Kunjämtix jupax jach'a jach'a tukurïkänxa ukhamarak jichhax t'aqhisiyapxam, ayquyapxam; jupax chuymapan amuyiwa: ‘Nayax akan reinar uñtat qunt'atäsktwa, janiw ijmäkti, janirakiw t'aqhiskäsa’ sasa.

Jueces 8:26

Uka sortijanakan quripasti taqpachax tunka llätunkan kilow tupt'asïna, ukarusti janiw k'achachasiñanakasa, alajanakasa, Madián chiqankir reyinakax uskusipkän uka wila telanakasa, camellonakan kunkapana uskutäki uka wallqanakasa jakhutäkänti.