Lucas 15:28 - Qullan Arunaka DC

²⁸ Ukampis jilïr jilax phiñasïnwa, ukatsti janiw utar mantañ munkänti, utar jan mantañ munatapat awkipax mistunisin achikt'äna: ‘Mantxañäniya’ sasa.

Aymar Bibliia 1986

²⁸ Ucampis jilïr jilajj colerasïnwa, ucatsti janiw mantañ muncänti. Uqham jan utar mantañ munatapat, awquipajj mistunisin achict'äna: “Mantjjañäniy” sasa.

Qullan Arunaca

²⁸ Ucampis jilïr jilajj colerasïnwa, ucatsti janiw mantañ muncänti. Uqham jan utar mantañ munatapat, awquipajj mistunisin achict'äna: ‘Mantjjañäniy’ sasa.

Lucas 15:28 Jak'a apnaqawi uñst'ayäwi

Isaías 65:5

Sapxarakiwa: ‘Ukar qhiparam, jan jak'achasistati, nanakax Diosan qullan ajllit markapäpxtwa’ sasa. Uka jaqinakax uru phuqhat nakhir ninar uñtatäpxiwa; nasatsa jiwq'ipax ch'isintayarakituwa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Jeremías 35:16

Recab chachan yuqapa, Jonadab sat jaqin wawanakapax kuntix nayra awkipax jupanakar jaytkäna uka arunak phuqhapxapunïnwa; ukampis Israel markaxax janiw nayarux ist'kituti.

Jonás 4:9

Tatitusti juparux jiskt'änwa: —¿Uka alin pharsxatapat phiñasitamax walikïskiti? —sasa. Jonás profetax sarakïnwa: —¡Jïsa, walikïskiwa, phiñasiñatsa niyaw jiwaskta! —sasa.

Mateo 20:11

Ukham katuqasisasti, yapunitakiw arusipxäna,

Marcos 1:40

Lepra usun mä jaqiw Jesusar jak'achasinïna, juparusti killt'asisaw achikt'asïna: —Tatay, munsta ukax aka usuxat qullt'itasmawa —sasa.

Lucas 13:34

“¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 15:2

Ukat fariseonakampi, kamachi yatichirinakampix Jesusar k'umipxäna, sapxarakïnwa: —Aka jaqix juchararanakan masipawa, jupanakampirakiw manq'i —sasa.

Lucas 15:27

Uka uywatasti sänwa: ‘Jilamaw purinxi; k'umarak purinxatapatsti awkimax mä lik'i vaca qallu kharsuyi’ sasa.

Lucas 15:29

Jupasti awkiparux sänwa: ‘Walja maranakaw juma jak'an sarnaqta, janiw kunapachas arsutam p'akintkti, ukampis janiw kunapachas mä cabritoksa churkistati, uñt'at masinakaxampi manq'asiñaxataki.

Lucas 24:47

ukatsti taqi markanakan jupxat parlasini, ukhamat taqinis Diosar kutikipstaniñapataki, juchanakapas pampachatäñapataki. Jumanakasti Jerusalenat qalltasina,

Lucas 5:30

Ukampis fariseonakampi, kamachi yatichirinakampix, Jesusan yatiqirinakaparuw jisk'achapxäna. Ukat jupanakarux sapxarakïna: —¿Kunatarak jumanakasti qullqi apthapirinakampi, juchararanakamp manq'asipkta, umasipktasti? —sasa.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

Hechos 13:45

Ukataq jaqinak uñjasinsti, judionakax Pablon arunakapar kutipayañ qalltapxäna, kunayman tuqipxarakïna.

Hechos 13:50

Ukampis judionakax askit uñt'at warminakampiru, markan wali aytat chachanakampir parlxayasin amtayapxäna, Pablompiru, Bernabeampir uñisiyañataki, uka markat jaqsuñataki.

Hechos 14:19

Ukapachasti mä qawqha judionakaw purinipxäna, Antioquía markampita, Iconio markampita. Jupanakasti jaqinakar amtayasin Pablorux qalampiw k'upjayapxäna, ukatsti marka anqäxaruw qatatnukunipxäna jiwatäxatap amuyasa.

Hechos 14:2

Ukampis Jesusar jan iyawsir judionakaxa, jan judiöpkis ukanakaruw jilatanak tuqi jan walinak amtayapxäna.

Romanos 10:19

Wasitat jiskt'arakta: ¿Janipunit Israelankirinakasti amuyasipkpachasti? Nayraqatasti Moisesax siwa: “Nayasti jan markäki uka markampiw phiñasiyapxäma; jan amuyt'asiñ munir markampiw q'apisiyapxarakïma” sasa.

2 Corintios 5:20

Ukhamasti nanakax Criston khithanit arsuripäpxtwa, ukasti Dios kipkas jumanakar nanak tuqi achikt'apkiristam ukhamawa. Ukhamasti, Criston sutipxaruw achikt'apxsma, Diosampi sumankxapxañamataki.

1 Tesalonicenses 2:16

kunapachatix jan judiöpkis ukanakar qhispiyasiñat parlañ munapkta ukkhaxa, janiw parlayapkituti. Ukhamat juchanakapampix yapt'asipxi. Ukampis uk tukjañatakix Diosan axsarkañ mutuyäwipaw jupanakxar juti.

1 Samuel 17:28

Ukampis Eliab sata Davidan jilïri jilapaxa, ukham jaqinakampi parlaskir ist'asax wal thithïna, ukat sarakïna: —¿Kunarus akar jutta? Wasarankki uka mä qawqha ovejanaksti ¿khitirus jaytaniwayta? Nayax juman jach'achasiñ munirïtamsa, jan wali amtäwinïtamsa uñt'smawa, jumax soldadonak nuwasiri uñjirikiw juttaxa —sasa.

1 Samuel 18:8

Uka arunakasti Saúl reyirux janiw walt'aykänti, ukat wali phiñasitaw akham arsüna: —Davidan tunka waranqa jaqinak jiwarayatapat arsupxi, nayatsti waranqa jaqinak jiwarayataxatak arsupxi. ¡Reyit utt'ayasxapxañapakiw wakisxi! —sasa.