Lucas 15:22 - Qullan Arunaka DC

²² Ukampis awkipax uywatanakaparuw säna: ‘Jank'ak suma isi apsunipxam, ukat isthapiyapxam; luk'anaparux surtija uchapxam, kayunakaparusti wiskhumpi uchantapxam.

Aymar Bibliia 1986

²² Awquipasti uywatanacaparojj sänwa: “Janc'aqui suma isi apsunipjjam, ucat isthapiyapjjam; amparaparusti sortija uchapjjam, cayunacaparusti zapatomp uchantapjjam.

Qullan Arunaca

²² Awquipasti uywatanacaparojj sänwa: ‘Janc'aqui suma isi apsunipjjam, ucat isthapiyapjjam; amparaparusti sortija uchapjjam, cayunacaparusti zapatomp uchantapjjam.

Lucas 15:22 Jak'a apnaqawi uñst'ayäwi

Génesis 41:42

faraonax amparapat surtijap apsusïna, uka surtijasti reyin sutipanïnwa, uksti Josean amparaparuw uchäna. Ukxarusti suma lino isinakampi isthapiyapxañapatakiw arsüna, ukhamarak mä quri wallqampi kunkapar ajuntayapxañapataki.

Ester (hebreo) 3:10

Ukatsti reyix amparapat surtijap apsusisin judionakar uñisir Amán chacharuw churäna,

Ester (hebreo) 8:2

Ukapachaw reyix, Amán jilïrit apaqaskän uka surtija apsusisin Mardoqueor churxäna. Esterasti Mardoqueorux kunanakatix Amán chachan utapan utjkäna ukanak apnaqañapatakiw katuyxarakïna.

Salmos 132:16

Sacerdotenakaparux qhispiyasiñ isimpiw isthapiyä, chiqa arkirinakaparusti kusisiñampiw art'asiyä.

Salmos 132:9

Sacerdotenakamax chiqa kankañ isimp isthapisipxpan, jumar iyawsirinakax kusisiñat art'asipxpan.

Salmos 18:33

33 (34) jupaw tarujan kayupjam jaltir kayunak churitu, alax chiqawjanakan kayunakaxar sum thuruñcharakitu,

Salmos 45:13

13 (14) ¡Akaxay, reyin phuchhapax wali k'achachataw mantani! ¡Isipas qurimp k'achachatawa!

Cantar de los cantares 7:1

1 (2) ¡Reyin phuchhapa, kayunakamax wiskhumpi uchatax wali jiwakiwa! Thixniman muytapas, suma qurit lurat k'achachañanakar uñtatawa amparampi lurañ yatirin lurt'atjama.

Isaías 61:10

¡Tatitunkxasinxa wali kusisitätwa! Diosaxankataxatsti kusisiñan phuqt'atätwa, jupaw nayarux qhispiyitu, atipjañsa churarakitu. Kunjämatix mä jaqichasir waynax pillup uchaski ukhamätwa, kunjämatix mä jaqichasir tawaqux k'achacht'aski ukhamarakïtwa.

Lucas 15:21

Ukat yuqapax jupar akham säna: ‘Awkixay, Diosar jan yäqasa, jumar jan yäqasaw juchañchjasta, wawamätwa sañatakix janiw askïkxti’ sasa.

Lucas 15:23

¡Suma lik'i vaca qallu irptanisin kharsupxam, ukatsti manq'añäniwa, kusisirakiñäniwa!

Romanos 13:14

Ukatsipana, jumanakax Jesucristo Tatitump isthapisipxam, janirak janchin munañanakapar jaysapxamti.

Romanos 3:22

Jesucristor iyawsañ tuqiw Diosax iyawsirinakar aski jaqir tukuyi. Janiw yaqha yaqhäñax utjkiti:

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

Gálatas 3:27

Bautismo katuqasinxa, Cristompi mayachatarakiw uñjasipxtaxa, Cristompix mä isimpi isthapitäpkasmas ukhamäpxtawa.

Efesios 6:15

Sumankañ arunak qhanañchir sarañatakix wakicht'atapunïpxam.

Deuteronomio 33:25

jakañamkamasti, ch'aman markäyätawa, markanakaman punkunakapas hierrota, broncet luratäniwa” sasa.

Apocalipsis 19:8

Juparuw suma lino lliphipkir q'uma isinakampi isthapisim sataxa, uka suma lino isisti, Diosar axsartasa sarnaqapki ukanakan chiqa jakataparuw uñtasi” sasa.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.

Apocalipsis 6:11

Ukatsti Diosax sapa mayniruw janq'u isinak churäna, jupanakarusti sarakïnwa: mä juk'a pacha suyt'apxakim sasa, Cristonkirinakan janïr jupanakjam taqpachani jiwarayat uñjasipxatap layku.

Apocalipsis 7:9

Uka qhipatsti, walja jaqinak uñjta taqi markanakata, kunayman janchini, kunayman parlani; uka jaqinakasti waljanipunïnwa, janiw khitis jakt'irjamäkänti. Jupanakasti qhapaq qunuñ nayräxana, Cordero nayräxan sayt'atäsipkänwa, janq'u isin isthapitkamakïnwa, amparanakapar layminakas ayt'atkamakirakïnwa.