Lucas 13:24 - Qullan Arunaka DC

²⁴ —K'ullk'u punku chiq mantañatak ch'amachasipxam, sapxaraksmawa, waljaniw mantañ munapxani, ukampis janiw mantapkaniti.

Aymar Bibliia 1986

²⁴ —Take ch'amampi c'ullc'u punc chic mantañaru uchasipjjam, sapjjaracsmawa, waljaniw mantañ munapjjani, ucatsti janiw mantapcaniti.

Qullan Arunaca

²⁴ —Take ch'amampi c'ullc'u punc chic mantañaru uchasipjjam, sapjjaracsmawa, waljaniw mantañ munapjjani, ucatsti janiw mantapcaniti.

Lucas 13:24 Jak'a apnaqawi uñst'ayäwi

Proverbios 14:6

Saykatasir jaqix yatiñ kankañ thaqkasinsa, janiw jikxatkiti ch'ikhi jaqisti, jank'akiw yatiñ kankañ jikxati.

Proverbios 21:25

Jayra jaqix taqi kunsa wal muni, irnaqañsti janiw munkiti;

Eclesiastés 10:15

Pisi amuyt'an jaqix irnaqkäwiw qarjti, janiw kawki chiqa markar sarañsa yatkiti.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Mateo 11:12

“Bautisiri Juanan jutatapat jichhürkamaxa, Diosan qhapaq markapax wali arknaqataw uñjasi, khitinakatix ch'amampi atipjañ munapki jupanakax uk tukusiyañ munapxi.

Lucas 13:23

Ukatsti mayniw jupar jiskt'äna: —Tatay, ¿juk'anikit qhispiyasirinakaxa? —sasa. Jupasti sarakïnwa:

Lucas 21:36

Jumanakax wakicht'atäpxam, Diosat mayisipxapunim, ukhamat taqi ukanak luraskani ukat jaltapxañamataki, ukatsti Jaqin Yuqap nayraqatan uñstapxañamataki.

Juan 13:33

Munat wawanakaxay, mä juk'a urunakatxa, janiw jumanakampïkxäti. Jumanakax nayarux thaqhapxitätawa, ukampis kunjämtix judionakar siskta ukhamarak jichhax sapxsma: “Janiw jumanakax sarapkasmati kawkirutix nayax sarkä ukaruxa”.

Juan 5:4

Tatitun angelapaw sapa kuti uka chiqar saraqanirïna, ukat uma unxtayirïna; khititix um unxtipan nayraqat mantirïkän ukakiw usupat waliptirïna.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Juan 7:34

Jumanakax thaqhapxitätawa, ukampis janiw jikxatapkitätati, kawkirutix nayax sarkä ukarusti, janiw jutapkasmati.

Juan 8:21

Jesusax wasitampiw jupanakar säna: —Nayax sarxäwa, jumanakasti thaqhapxitätawa, ukampis jumanakax juchanakaman jiwarapxäta. Kawkirutix nayax sarkä ukarux jumanakax janiw jutapkasmati —sasa.

Romanos 10:3

Diosan aski jaqinak tukuyatap janiw amuyapkiti, jan ukasti, jupanakan munañaparjam lurasakiw aski jaqir tukuñ munapxi; ukat Diosan munañapar jan phuqhapkiti.

Colosenses 1:29

Ukatakiw nayax ch'am tukus irnaqta, kuna ch'amtix Tatitux churkitu uka ch'amampi.

Hebreos 4:11

Uka samarañar mantañatakix wal ch'amañchasiñasaw wakisi, jan khitis khä jan iyawsirinakjam sarnaqaskañapataki.

Josué 7:3

kuttanisasti Josué chacharux sapxänwa: “Ai markax janiw jach'äkiti, uka markar katuntañatakix janiw taqpach ejercitor khithañax wakiskiti, paya, jan ukax kimsa waranqa jaqinakax jiläskaniwa, uka marka uñjir jaqinakasti juk'anikirakiwa” sasa.

2 Pedro 1:10

Ukatpï jilatanaka, Diosax jumanakar markapankirïpxañamatakiw jawsapxtam, ajllisipxaraktam, wiñaya ukankirïñ munapxsta ukaxa, sum sayt'apxañamawa; jumanakatix taqi akanak lurapxätaxa, janipuniw aynacht'apkätati.