Lucas 13:17 - Qullan Arunaka DC

¹⁷ Jesusan uka arunak satapatsti, uñisirinakapax taqiniw p'inqachat uñjasipxäna; ukampis jaqinakax wal kusisipxäna Jesusan uka jach'a muspharkañanak luratapata.

Aymar Bibliia 1986

¹⁷ Jesusan ac satapatsti takeniw uñisirinacapajj p'enkasipjjäna. Take jakesti wal cusisipjjaraquïna Jesusan uca jach'a muspharcañanaca luratapata.

Qullan Arunaca

¹⁷ Jesusan ac satapatsti takeniw uñisirinacapajj p'enkasipjjäna. Take jakesti wal cusisipjjaraquïna Jesusan uca jach'a muspharcañanaca luratapata.

Lucas 13:17 Jak'a apnaqawi uñst'ayäwi

Salmos 109:29

¡Nayampi timasirinakax p'inqampi aynacht'apxpan! ¡P'inqax isimpjam jupanakar llawuntpan!

Salmos 111:3

Jupan luräwipax k'ajkiriwa, munkañarakiwa, aski kankañapax wiñayawa.

Salmos 132:18

Timanakaparusti p'inqa tukuñampiw phuqhantä, Davidarusti k'ajkir pillumpiw asxatä” sasa.

Salmos 40:14

14 (15) ¡Nayar jiwayañatak thaqhirinakax, p'inqachjat jikxatasipxpan! ¡Nayar ñanqha lurañ amtirinakax, mä p'inqa jaltxapxpan!

Éxodo 15:11

Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 45:24

Ukat taqinis sapxani: ‘Tatitukiw ch'amsa, atipt'añsa churistaspa’ sasa. Taqi khitinakatix uñisipkitu ukanakaxa, jisk'achjataw uñjasipxani.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Lucas 14:6

Jupanakasti ukarux janiw kunsa arusxatirjamäpkänti.

Lucas 18:43

Ukspachaw juykhux uñjxäna, ukatsti Diosar yupaychasaw Jesusar arkäna. Uk uñjasasti taqiniw Diosar yupaychapxäna.

Lucas 19:48

Ukampis janiw kunjämatsa aynacht'ayirjamäpkänti, jaqinakan wali sum ist'asipkatap layku.

Lucas 20:40

Ukatsti janiw juk'ampi kunsa jiskhiñ munapkänti.

Hechos 4:21

Uka jilïrinakasti axsarañ churasaw apostolunakar khithanukxapxi. Markar axsarasin janiw kunjämatsa jupanakar mutuyañ jikxatapkänti, kunatix luraskatayna ukat Diosar taqin yupaychapxatap layku.

2 Timoteo 3:9

Ukampis janiw nayrar juk'amp sarantapkaniti, taqi jaqiw jupanakan pisi amuyun jaqinakätap amuyapxani, kamisatix Moisesar saykatapkän uka jaqinakan pisi amuyupax qhanstkän ukhama.

Tito 2:8

sum parlasa, khitinsa jan juchañchañapataki. Ukhamat khititix jiwasxat jan wal parlki ukax p'inqachat uñjasini, janirakiw jiwasanakat kuna jan walsa parlkaniti.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.