Lucas 12:35 - Qullan Arunaka DC

^35-36 “Kunjämatix uywatanakax uywiripar jaqichasïwit kutt'aniñap jank'ak punku liqt'anipan jist'arañatak suyt'apki ukhamay jumanakax suyt'apxam.

Aymar Bibliia 1986

³⁵ “Waquicht'asit suyt'apjjam isthapita, lamparanacams khantayasisa.

Qullan Arunaca

³⁵ “Waquicht'asit suyt'apjjam isthapita, lamparanacams khantayasisa.

Lucas 12:35 Jak'a apnaqawi uñst'ayäwi

1 Reyes 18:46

Eliasasti patxa isip sum chint'asisin Jezreel marka uñtataw jalarakïna, jupasti Ahab reyit sipan nayraqat purïna, Tatitun jupar ch'am churatap layku.

Proverbios 31:17

Jupax ch'amañchasiwa, taqi chuymampiw irnaqañatak wakichasi.

Isaías 11:5

Chiqapar uñjañampi, chiqa kankañampi isthapitäniwa.

Isaías 5:27

jupanak taypinsti janiw pisi ch'amasa, qaritas utjkiti, janiw iki machatas utjkiti, janiw khitis wak'ampi jan suma wak't'asitax utjkiti, janirakiw wiskhunakapan t'isnunakapas t'aqaratäkiti.

Mateo 25:1

“Diosan qhapaq markapax aka uñtasïwimpi sasiwa. Tunka tawaqux aceitempi nakhir lamparanakapas apt'ataw jaqichasir waynar katuqir mistupxäna.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Efesios 6:14

Ukhamasti ch'aman sayt'asipxam, chiqa kankañampi isintata, aski kankañampi isthapitaraki.

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

1 Pedro 1:13

Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.